ଭୁବନେଶ୍ବର: ନିର୍ବାଚନ ଯେତିକି ପାଖେଇ ଆସୁଛି,ରାଜନୈତିକ ଉଷ୍ମତା ସେତିକି ବଢି ବଢି ଚାଲିଛି । ବିଜେପି ନେତାମାନେ ଆଚରଣ ବିଧି ଉଲ୍ଲଙ୍ଘନ କରିବା ସତ୍ତ୍ବେ କାର୍ଯାନୁଷ୍ଠାନ ନେଉ ନାହାଁନ୍ତି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀବୋଲି ଅଭିଯୋଗ କରିଛି ବିଜେଡି । ବିଜେପି ବିରୋଧରେ କୌଣସି ପଦକ୍ଷେପ ଗ୍ରହଣ କରୁ ନଥିବା ନେଇ ସିଇଓଙ୍କୁ ଟାର୍ଗେଟ କରିଛି ବିଜେଡି।
ବିଜେଡି ଅଭିଯୋଗ ଆଣି କହିଛି ଯେ, ୧୧ଟି ପ୍ରସଙ୍ଗରେ ବର୍ତ୍ତମାନ ଯାଏଁ ସିଇଓଙ୍କୁ ବାରମ୍ବାର ଅଭିଯୋଗ କରୁଥିଲେ ମଧ୍ୟ ଶୁଣୁ ନାହାଁନ୍ତି ବରଂ ବିଜେପି ନେତାଙ୍କ ଚାପରେ ପ୍ରଭାବିତ ସିଇଓ । ବିଜେପି ନେତା ପିତାମ୍ବର ଆଚାର୍ଯ୍ୟ କର୍ତ୍ତବ୍ୟରତନିର୍ବାଚନ ଅଧିକାରୀ ତଥା କର୍ମଚାରୀଙ୍କୁ ଖୋଲାଖୋଲି ଧମକ ଦେଉଛନ୍ତି । ଅନ୍ୟପକ୍ଷେ ସିଇଓ ନୀରବ ବସିଛନ୍ତି ବୋଲି ବିଜେଡି ଅଭିଯୋଗ କରିଛି ।
ଏହାସହ ଦଳ ତରଫରୁ କୁହାଯାଇଛି ଯେ, ପେଟ୍ରୋଲ ପମ୍ପରେ ପ୍ରଧାନମନ୍ତ୍ରୀଙ୍କ ହୋଡିଂ ଲାଗିଛି କିନ୍ତୁ ଖୋଲା ଯାଉନି । ସୀମା ଚେକିଂ ବେଳେ ଟଙ୍କା ଜବତ କରାଯାଉଛି କିନ୍ତୁ ଅଭିଯୁକ୍ତଙ୍କୁ ଛାଡି ଦିଆଯାଉଛି । କାର୍ଯ୍ୟାନୁଷ୍ଠାନ ନେଉ ନାହାଁନ୍ତି ସିଇଓ ବୋଲି ବିଜେଡି ପକ୍ଷରୁ ଅଭିଯୋଗ ଅଣାଯାଇଛି। ଜାଲ ଗୁଇନ୍ଦା ରିପୋର୍ଟ ପ୍ରକାଶ କରିଥିଲା ବିଜେପି ମାତ୍ର ସିଇଓ କାର୍ଯ୍ୟନୁଷ୍ଠାନ ନେଇ ନାହାନ୍ତି।