ଭୁବନେଶ୍ବର:ଓଡ଼ିଶାରେ ବିପକ୍ଷ ନାହିଁ, ବିରୋଧୀ ନାହିଁ । ରାଜ୍ୟରେ ବିଜେଡି ଏବଂ ବିଜେପି ଏକ ମେଣ୍ଟରେ ଅଛନ୍ତି (BJD has alliance with BJP ) । ବିହାରରେ ନୀତିଶ କୁମାରଙ୍କ ଜେଡିୟୁ ଏନ୍ଡିଏ ହାତରୁ ଯିବା ପରେ ଏବେ ବିଜେପି, ବିଜେଡି ସହାୟତା ଲୋଡ଼ିଛି । ବିଜେପି ଯେଉଁଭଳି ଭାବରେ କେନ୍ଦ୍ରୀୟ ଏଜେନ୍ସି ଇଡି, ସିବିଆଇର ଭୟ ଦେଖାଇଥିବାରୁ ନବୀନ ବାବୁ ବିଜେପି ପାଖରେ ଶରଣ ପଶିଛନ୍ତି । ସମ ଦୂରତା ନୁହେଁ ରାଜ୍ୟରେ ସମର୍ପଣର ରାଜନୀତି ଚାଲିଛି ବୋଲି ସାଙ୍ଘାତିକ ଅଭିଯୋଗ କରିଛନ୍ତି ଆପ୍ ଆବାହକ( AAP convener Nishikant ) ନିଶିକାନ୍ତ ମହାପାତ୍ର ।
ବିଜେପି ବିଜେଡି ମଧ୍ୟରେ ସମଦୂରତା ନୁାହିଁ, ସମର୍ପଣର ରାଜନୀତି ଚାଲିଛି କହିଲେ ନିଶିକାନ୍ତ ଏହା ବି ପଢ଼ନ୍ତୁBJDକୁ NDAରେ ସାମିଲ ହେବାକୁ ଅଠାୱାଲେଙ୍କ ନିବେଦନ
ଗତକାଲି (ସୋମବାର) କେନ୍ଦ୍ରମନ୍ତ୍ରୀ ରାମଦାସ ଅଠାୱାଲେ ଓଡ଼ିଶା ଗସ୍ତ ବେଳେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଏନ୍ଡିଏ ସହ ଯୋଡ଼ି ହେବାକୁ ପ୍ରସ୍ତାବ ଦେଇଥିଲେ । ଏହାପରେ ଆଜି ପ୍ରେସ୍ମିଟ୍ (Odisha AAP Press meet ) କରି ଉଭୟ ବିଜେପି ଓ ବିଜେଡି ଉପରେ ବର୍ଷିଛି ଆପ୍ । ଆପ୍ ଆବାହକ ନିଶିକାନ୍ତ ମହାପାତ୍ର କହିଛନ୍ତି, "ଆମେ ବାରମ୍ବାର କହି ଆସିଛୁ ରାଜ୍ୟରେ ବିଜେଡି ଓ ବିଜେପିର ମିଳିତ ସରକାର ଚାଲିଛି । ବିଜେଡିକୁ ରାମଦାସ ଅଠୱାଲେଙ୍କ ମାଧ୍ୟମରେ ଖୋଲା ନିମନ୍ତ୍ରଣ ଦିଆଯାଇଛି । ସେ ସ୍ପଷ୍ଟ କରିଛନ୍ତି ନବୀନ ସରକାର କେନ୍ଦ୍ର ସରକାରଙ୍କୁ ବାହାରେ ରହି ସମର୍ଥନ ଦେଇ ଆସିଛି । ୨୦୨୪ ମେଣ୍ଟ ପାଇଁ ନବୀନ ବାବୁଙ୍କୁ ରାମଦାସ ଅଠାୱାଲେ ପ୍ରସ୍ତାବ ଦେଇଛନ୍ତି । ତେଣୁ ବିଜେଡି ଓ ବିଜେପି ଏହି ଚୋରା ପିରତି ସର୍ବ ସାଧାରଣ କରିବା ଦରକାର । ଏହା ଲୋକ ଜାଣିବା ଦରକାର । ଏହାର ଜବାବ ଚାହୁଁଛନ୍ତି । ଓଡ଼ିଶାରେ ବିପକ୍ଷ ନାହିଁ ବିରୋଧ ନାହିଁ । ନବୀନ ବାବୁ ଓ ବିରୋଧୀ ମେଣ୍ଟରେ ରହିଛନ୍ତି । ଏଭଳି ସ୍ଥିତି ଶିକ୍ଷା ଓ ସ୍ବାସ୍ଥ୍ୟ ଉପରେ ଫୋକସ କରୁଥିବା ଆପ୍କୁ ରାଜ୍ୟବାସୀ ବିକଳ୍ପ ବିଷୟରେ ଚିନ୍ତା କରିବା ଆବଶ୍ୟକ ।"
ଓଡ଼ିଶା ଗସ୍ତ କରି କେନ୍ଦ୍ର ସାମାଜିକ ନ୍ୟାୟ ଓ ଶସକ୍ତିକରଣ ମନ୍ତ୍ରୀ ରାମଦାସ ଅଠାୱାଲେ କହିଥିଲେ, "ଉଭୟ ଲୋକସଭା ଓ ରାଜ୍ୟସଭାରେ ଅନେକ ଗୁରୁତ୍ବପୂର୍ଣ୍ଣ ବିଲ୍ ପାସ୍ ବେଳେ ଏନ୍ଡିଏ ସରକାରଙ୍କୁ ବିଜେଡି ବହୁ ସହଯୋଗ କରିଛି । ୨୦୨୪ ନିର୍ବାଚନ ବେଳକୁ ଏନଡିଏ ସହ ଯୋଡ଼ି ହେଲେ ବହୁ ଲାଭରେ ରହିବେ ନବୀନ । ଓଡ଼ିଶାକୁ ଅଧିକ ବଜେଟ ଦେଇ ପାରନ୍ତି ମୋଦି । ୨୦୨୪ରେ ଏନ୍ଡିଏ ୨୦୧୯ର ରେକର୍ଡ ଭାଙ୍ଗିବ।"
ସେପଟେ ନେଇ ନୀତିଶଙ୍କ ଦଳ ଜେଡିୟୁକୁ ନେଇ ପ୍ରତିକ୍ରିୟା ଦେଇଛନ୍ତି ରାମଦାସ ଅଠାୱାଲେ । ନୀତିଶ ଏନଡିଏ ଛାଡିଛନ୍ତି ସତ ହେଲେ ଏନ୍ଡିଏ ତାଙ୍କୁ ଛାଡ଼ିନି । ୨୦୨୪ ବେଳକୁ ସେ ପୁଣି ଫେରି ପାରନ୍ତି । ଯଦି ନ ଫେରିଲେ ତଥାପି ଏନଡିଏ ଉପରେ କୌଣସି ପ୍ରଭାବ ପକାଇବ ନାହିଁ ବୋଲି କେନ୍ଦ୍ରମନ୍ତ୍ରୀ କହିଛନ୍ତି । ଏନଡିଏ ୨୦୨୪ ନିର୍ବାଚନରେ ୩୫୦ରୁ ଅଧିକ ସିଟ୍ ପାଇବ ବୋଲି ରାମଦାସ ଅଠାୱାଲେ ଦୃଢ଼ୋକ୍ତି ଦେଇଥିଲା ।
