ଦଲାଲଙ୍କ ପାଇଁ ଓକିଲାତି କରି ଡ୍ରାମା କରୁଛି ବିଜେପି; ବିଜେଡି

ଚାଉଳ ଓ ଧାନ ସଂଗ୍ରହ ନେଇ ବିଜେପି ଓ ବିଜେଡି ମୁହାଁମୁହିଁ ହୋଇଛନ୍ତି। ଆଜି ପୁଣି ବିଜେଡି ମୁଖପାତ୍ର ଶ୍ରୀମୟୀ ମିଶ୍ର ଏ ପ୍ରସଙ୍ଗରେ ବିଜେପିକୁ ଟାର୍ଗେଟ କରିଛନ୍ତି।

ଭୁବନେଶ୍ବର: ରାଜ୍ୟରେ ଥମୁନି ଧାନ ସଂଗ୍ରହ ରାଜନୀତି । ଚାଉଳ ଓ ଧାନ ସଂଗ୍ରହ ନେଇ ବିଜେପି ଓ ବିଜେଡି ମୁହାଁମୁହିଁ ହୋଇଛନ୍ତି। ଆଜି ପୁଣି ବିଜେଡି ମୁଖପାତ୍ର ଶ୍ରୀମୟୀ ମିଶ୍ର ଏପ୍ରସଙ୍ଗରେ ବିଜେପିକୁ ଟାର୍ଗେଟ କରିଛନ୍ତି।

ବିଜେପିର ଚାଷୀ ଆନ୍ଦୋଳନ ପ୍ରସଙ୍ଗରେ ବିଜେଡି ମୁଖପାତ୍ର ଶ୍ରୀମୟୀ ମିଶ୍ରଙ୍କ ପ୍ରତିକ୍ରିୟା ରଖି କହିଛନ୍ତି ଯେ, ରାଜ୍ୟରେ ଧାନ ସଂଗ୍ରହ ସୁରୁଖୁରୁରେ ଚାଲୁଛି । ଧାନ ସଂଗ୍ରହରେ ରେକର୍ଡ ହୋଇଛି । ବିଜେଡ଼ି ଚାଷୀ ସହିତ ରହିଛି, ରହିବ ।

ଚାଷୀଙ୍କ ସବୁ ଧାନ ଗୋଟି ଗୋଟି ସଂଗ୍ରହ ହେବ। ଡିବିଟି ମାଧ୍ୟମରେ ସିଧାସଳଖ ଚାଷୀଙ୍କ ଆକାଉଣ୍ଟକୁ ଅର୍ଥ ଯାଉଥିବାରୁ ଦଲାଲଙ୍କ ପାଇଁ ଓକିଲାତି କରି ଡ୍ରାମା କରୁଛି ବିଜେପି । ଡ୍ରାମା ଟିଭି ପରଦାରେ କଲେ ଭଲ ହେବ। ଦିଲ୍ଲୀ ଆନ୍ଦୋଳନ ଉପରୁ ସମସ୍ତଙ୍କ ନଜର ହଟାଇବା ଓ ଦଲାଲମାନଙ୍କୁ ଲାଭାନ୍ବିତ କରିବା ପାଇଁ ବିଜେପିର ଏହା କୁମ୍ଭୀର କାନ୍ଦଣା।

ଭୁବନେଶ୍ବରରୁ ଜ୍ଞାନଦର୍ଶୀ ସାହୁ, ଇଟିଭି ଭାରତ