ଭୁବନେଶ୍ବର: ଭୁବନେଶ୍ବରରେ ବାର୍ଡ ଫ୍ଲୁ ଚିହ୍ନଟ ପରେ ସ୍ଥିତି ଅନୁଧ୍ୟାନ ପାଇଁ ଭୁବନେଶ୍ବର ଆସିଛନ୍ତି କେନ୍ଦ୍ର ସ୍ବାସ୍ଥ୍ୟ ବିଭାଗର ତିନିଜଣିଆ ଟିମ। ଟିମ ଗୁରୁବାର ଓୟୁଏଟି ଫାର୍ମ ଯାଇ ସ୍ଥିତି ଅନୁଧ୍ୟାନ କରିବା ସହ ବିଭାଗୀୟ ଅଧିକାରୀଙ୍କ ସହ ଆଲୋଚନା କରିଛନ୍ତି।
ବାର୍ଡ ଫ୍ଲୁ ନିୟନ୍ତ୍ରଣ; ଭୟଭୀତ ନହେବାପାଇଁ କେନ୍ଦ୍ରୀୟ ଟିମର ପରାମର୍ଶ
ବାର୍ଡଫ୍ଲୁ ଚିହ୍ନଟ ପରେ ସ୍ଥିତିକୁ ଦୃଷ୍ଟିରେ ରଖି ତୁରନ୍ତ ଆକ୍ସନ ମୋଡକୁ ଆସିଥିଲା ପଶୁ ସମ୍ପଦ ବିଭାଗ ସମେତ ରାଜ୍ୟ ସ୍ବାସ୍ଥ୍ୟ ବିଭାଗ । କେନ୍ଦ୍ରୀୟ ଟିମ ଭୁବନେଶ୍ବରରେ ପହଞ୍ଚିବା ପରେ ସ୍ବାସ୍ଥ୍ୟ ସଚିବଙ୍କ ସହ ବିସ୍ତୃତ ଆଲୋଚନା କରିଛନ୍ତି । ପରେ ଜନ ସ୍ବାସ୍ଥ୍ୟ ବିଭାଗ ସହ ଗୁରୁତ୍ବପୂର୍ଣ୍ଣ ବୈଠକ ମଧ୍ୟ ବିଭାଗ କରିଛନ୍ତି। ବୈଠକ ଶେଷରେ କେନ୍ଦ୍ରୀୟ ଟିମ ବାର୍ଡ ଫ୍ଲୁ ସଂକ୍ରମଣ ଚିହ୍ନଟ ହୋଇଥିବା ଓୟୁଏଟି ଫାର୍ମକୁ ଯାଇ ସ୍ଥିତି ଅନୁଧ୍ୟାନ କରିଛନ୍ତି। ଏହି ଟିମ ୧୦ ଦିନ ପର୍ଯ୍ୟନ୍ତ ଭୁବନେଶ୍ବରରେ ରହି ସ୍ଥିତି ଉପରେ ନଜର ରଖିବ ।