ଭୁବନେଶ୍ବର: ବାର୍ଡ ଫ୍ଲୁ ନେଇ ରାଜଧାନୀରେ ଜୋରଦାର ଅପରେସନ । ଓୟୁଏଟି ଠାରୁ 1 କିଲୋମିଟର ପର୍ଯ୍ୟନ୍ତ ଚାଲିଛି କୁକୁଡା ମରା ଅଭିଯାନ । ଏହାସହ ୧ କିଲୋମିଟର ପର୍ଯ୍ୟନ୍ତ କୌଣସି କୁକୁଡା ବିକ୍ରି ହୋଇପାରିବନି କି ଅଣ୍ଡା କିଣିବେ ନାହିଁ ଗ୍ରାହକ । ସଂକ୍ରମଣର ଦୃଷ୍ଟିରେ ରଖି ଓୟୁଏଟି କର୍ମଚାରୀଙ୍କ ସହ ରାପିଡ୍ ଆକ୍ସନ ଟିମ ଚଳାଇଛନ୍ତି ଅଭିଯାନ ।
ଓୟୁଏଟି ଠାରୁ ୧ କିଲୋମିଟର ପରିଧି ପର୍ଯ୍ୟନ୍ତ ବିକ୍ରୟ ହେଉଥିବା ଅଥବା କୁକୁଡା ପାଳନ ହେଉଥିବା କୁକୁଡାକୁ ନଷ୍ଟ କରାଯାଇଛି । ଏନେଇ ଟିମ ବିଭିନ୍ନ ଦୋକାନ ଓ ବସ୍ତିରେ ଚଢାଉ କରିଛନ୍ତି । କୁକୁଡା ପାଳୁଥିବା ବା ବିକୁଥିବା ଲୋକଙ୍କ କ୍ଷତିପୂରଣ ପାଇଁ ଲିଷ୍ଟ କରିବା ସହ କୁକୁଡା ମାରିଛନ୍ତି । ରାଜଭବନ, ନବୀନ ନିବାସ ପାଖ ଓ ଶିରିପୁର ଓ ପାଖଆଖ ଅଞ୍ଚଳରେ ଜୋରଦାର ଭାବେ କୁକୁଡା ମରା ଅଭିଯାନ ଚାଲୁରହିଛି ।