ଭୁବନେଶ୍ବର: ଧାମନଗର ଉପ ନିର୍ବାଚନ ନେଇ ଦଳୀୟ ପ୍ରାର୍ଥୀ ନାମାଙ୍କନ ଭରିନଥିଲେ ବି ବିଜୟ ନେଇ ପୂର୍ବାନୁମାନ କଲାଣି ବିଜେଡି । ଦଳ ଭଲ ବ୍ୟବଧାନରେ ବିଜୟ ହେବ ବୋଲ ବିଜେଡିର ବରିଷ୍ଠ ନେତା ତଥା ଖାଦ୍ୟ ଯୋଗାଣ ମନ୍ତ୍ରୀ ଅତନୁ ସବ୍ୟସାଚୀ ନାୟକ କହିଛନ୍ତି । ଦୁଇ ନମ୍ବରରେ ରହିବା ଲାଗି କଂଗ୍ରେସ-ବିଜେପି ମଧ୍ୟରେ ଲଢେଇ ହେବ ବୋଲି ସେ କହିଛନ୍ତି ।
Dhamnagar by Election: ଭଲ ବ୍ୟବଧାନରେ ଜିତିବ ବିଜେଡି: ଅତନୁ ସବ୍ୟସାଚୀ
ଅତନୁ କହିଛନ୍ତି ଯେ, ବିଜୁ ଜନତା ଦଳ ଲୋକଙ୍କ ଦଳ । ବିଗତ ଦିନ ମାନଙ୍କରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ ଯେତେ ଉପ ନିର୍ବାଚନ ହୋଇଛି ବିଜେଡି ଜିତିଛି । ଲୋକମାନେ ନିଷ୍ପତ୍ତି ନେଇ ବିଜେଡିକୁ ଜିତେଇଛନ୍ତି । ବିଜେପି ଓ କଂଗ୍ରେସ ମଧ୍ୟରୁ ଦ୍ବିତୀୟ ସ୍ଥାନରେ କିଏ ରହିବ ସେ ନେଇ ପ୍ରତିଯୋଗିତା ଚାଲିଛି । ଧାମନଗରବାସୀ ବିଜୁ ଜନତା ଦଳ ସହ ଅଛନ୍ତି । ବିଜୟ ବ୍ୟବଧାନ କେତେ ଅଧିକ ହେବ ସେ ନେଇ ଦଳ କାମ କରୁଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ଵରେ ସବୁ ଉପ ନିର୍ବାଚନରେ ବିଜେଡି ବିଜୟ ଲାଭ କରିଛି ।