ଭୁବନେଶ୍ବର: ଏଣିକି ରାଜଧାନୀରେ ଥିବା ସମସ୍ତ ପାର୍କର ଦାୟିତ୍ବ ନେବେ ସ୍ଥାନୀୟ ଆବାସିକ ଜନମଙ୍ଗଳ ସଂଘ। ଆବାସିକ ଜନମଙ୍ଗଳ ସଂଘ ସହ ଭୁବନେଶ୍ବର ମହାନଗର ନିଗମ ଅଧୀନରେ ଥିବା ସମସ୍ତ ପାର୍କର ପରିଚାଳନା ସହ ଅନ୍ୟାନ ଦାୟିତ୍ବ ନେବେ ସ୍ବୟଂ ସହାୟକ ଗୋଷ୍ଠୀ ଓ ବରିଷ୍ଠ ନାଗରିକ ମଞ୍ଚ। ପାର୍କ ପରିଚାଳନା ଦାୟିତ୍ବ ପାଇଁ ପ୍ରତ୍ୟେକ ଅନୁଷ୍ଠାନକୁ ମିଳିବ 10 ହଜାର ଟଙ୍କା। ଏନେଇ ଭାରପ୍ରାପ୍ତ ବିଏମସି କମିଶନର ସୂଚନା ଦେଇଛନ୍ତି।
ରାଜଧାନୀ ପାର୍କ ପରିଚାଳନା ଦାୟିତ୍ବ ନେବେ ସ୍ବୟଂ ସହାୟକ ଗୋଷ୍ଠୀ: ବିଏମସି
ଭୁବନେଶ୍ବର ମହାନଗର ନିଗମ ଅଧୀନରେ ଥିବା ପ୍ରାୟ ୫୮ ଟି ପାର୍କରେ ପାଣି ଦେବା, ଘାସ ବଛା, ନୂଆ ଗଛ ଲଗାଇବା ଦାୟିତ୍ବ ଏହି ସଂଗଠନ। ନଭେମ୍ବର ମାସ ସୁଦ୍ଧା ୪୦ ଟି ପାର୍କର ରକ୍ଷଣାବେକ୍ଷଣା ପାଇଁ ସ୍ବୟଂ ସହାୟକ ଗୋଷ୍ଠୀ ଓ ଆବାସିକ ଜନମଙ୍ଗଳ ସଂଘ ସହ ଚୁକ୍ତି ସ୍ବାକ୍ଷର ହୋଇଛି । ବାକିଥିବା ଅନ୍ୟ ପାର୍କଗୁଡ଼ିକ ଚୁକ୍ତି ଯଥାଶୀଘ୍ର ଶେଷ ହେବା ନେଇ ସୂଚନା ଦେଇଛନ୍ତି ଭାରପ୍ରାପ୍ତ ବିଏମସି କମିଶନର ସୁରଥ ଚନ୍ଦ୍ର ମଲ୍ଲିକ।