ହାଇଦ୍ରାବାଦ:ବିଜେପିର ନୂତନ କାର୍ଯ୍ୟକର୍ତ୍ତା ଘୋଷଣା କରିଛନ୍ତି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା । ଏହି ନୂତନ କମିଟିରେ ନଡ୍ଡା 12 ଜଣ ଉପ-ସଭାପତି, 8 ଜଣ ସାଧାରଣ ସଂପାଦକଙ୍କୁ ନିଯୁକ୍ତ କରିଛନ୍ତି । ସେହିପରି ନୂତନ କମିଟିରେ 23 ଜଣ ମୁଖପାତ୍ରଙ୍କୁ ନିଯୁକ୍ତି କରିଛନ୍ତି ନଡ୍ଡା । ଏହି ନୂତନ କମିଟିରେ ପ୍ରଥମଥର ପାଇଁ ସାମିଲ ହୋଇଛନ୍ତି ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ।
ପୂର୍ବରୁ ସୁପ୍ରଶାସିକା ଭାବରେ କେନ୍ଦ୍ରରେ ଦାୟିତ୍ବ ନିଭାଇଥିବା ଅପରାଜିତାଙ୍କ ଉପରେ ଆସ୍ଥା ପ୍ରକଟ କରି ଦଳ ତାଙ୍କୁ ଭୁବନେଶ୍ବର ଲୋକସଭା ଆସନରୁ ପ୍ରାର୍ଥୀ କରିଥିଲା । ସେହିପରି ବିଜେଡ଼ିର ଗଡ ଭୁବନେଶ୍ବରକୁ ଅପରାଜିତା ଦଖଲ କରିବାପରେ ଦଳରେ ତାଙ୍କର ପ୍ରାଧାନ୍ୟ ବଢିଥିବା ମଧ୍ୟ ସ୍ପଷ୍ଟ ।