ଭୁବନେଶ୍ବର: ଭିକ୍ଷୁକ ମୁକ୍ତ ହେବ ରାଜଧାନୀ । ଏନେଇ ଅଭିଯାନ ଆରମ୍ଭ କରିଛି ଭୁବନେଶ୍ୱର ମହାନଗର ନିଗମ। ଆସନ୍ତା ଏପ୍ରିଲରେ ଥଇଥାନ କେନ୍ଦ୍ରର କରାଯିବ ଲୋକାର୍ପଣ । ରହିବା, ଖାଇବା ସହ ସ୍ବାବଲମ୍ବୀ ହେବାକୁ ସ୍ବତନ୍ତ୍ର ପ୍ରଶିକ୍ଷଣ ଶିବିର ମଧ୍ଯ ରହିବ ବ୍ୟବସ୍ଥା । ଉଭୟ ପୁରୁଷ ଓ ମହିଳା ଭିକ୍ଷୁକଙ୍କ ପାଇଁ ଏପରି ଏକ ବ୍ୟବସ୍ଥା କରାଯାଉଥିବା ନେଇ ବିଏମସି ପକ୍ଷରୁ ମଙ୍ଗଳବାର ସୂଚନା ମିଳିଛି ।
ଭିକ୍ଷୁକଙ୍କ ପାଇଁ ଖୁବଶୀଘ୍ର ଆଶ୍ରୟସ୍ଥଳୀ
ବିଏମସି ଡେପୁଟି କମିଶନର କମଳାକାନ୍ତ ବେହେରା କହିଛନ୍ତି, ପ୍ରାୟ 3ଟି ଜୋନରେ 300 ଭିକ୍ଷୁକଙ୍କୁ ଥଇଥାନ କରାଯିବ । ସେଥିପାଇଁ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି । ଏଥିପାଇଁ 3ଟି ଜୋନରେ 3ଟି ଏଜେନ୍ସିକୁ ଟେଣ୍ଡର ଦିଆଯାଇଛି । ନର୍ଥ ଜୋନରେ ମହିଳା ଓ ଶିଶୁ ଭିକ୍ଷୁକଙ୍କ ପାଇଁ ଭିଜେଏସଏସ ନାମକ ଏକ ଘରୋଇ ସଂସ୍ଥାକୁ ଟେଣ୍ଡର ପ୍ରଦାନ କରାଯାଇଛି । ମାସିକ ଜଣଙ୍କ ପିଛା ଖର୍ଚ୍ଚ ହେବ ୩୪୦୦ ଟଙ୍କା।