ଭୁବନେଶ୍ବର: ନୟାଗଡର ବହୁ ଚର୍ଚ୍ଚିତ ପରୀ ହତ୍ୟାକାଣ୍ଡକୁ ନେଇ ନୟାଗଡ଼ ଏସପିଙ୍କ ସହ ଆଲୋଚନା କରିଛନ୍ତି ଭୁବନେଶ୍ବର ଡିସିପି ଉମାଶଙ୍କର ଦାସ। ନ୍ୟାୟ ନମିଳିବା ଅଭିଯୋଗରେ ଆଜି(ମଙ୍ଗଳବାର) ବିଧାନସଭା ସମ୍ମୁଖରେ ପରୀର ବାପା ଓ ମାଆଙ୍କ ଆତ୍ମହତ୍ୟା ଉଦ୍ୟମ କରିଥିଲେ। ଝିଅକୁ ନ୍ୟାୟ ନ ମିଳିବାରୁ ପରୀର ବାପା ମାଆ ନିଜ ଦେହରେ କିରୋସିନ ଢାଳି ଆତ୍ମହତ୍ୟା ଉଦ୍ୟମ କରିଥିବା ସୂଚନା ମିଳିଥିଲା। ଘଟଣାସ୍ଥଳରେ କମିଶନରେଟ ପୋଲିସ ଉପସ୍ଥିତ ରହି ଦମ୍ପତିଙ୍କୁ ସୁରକ୍ଷିତ ଭାବରେ କାବୁ କରିବାକୁ ସକ୍ଷମ ହୋଇଥିଲା।
ପରୀ ହତ୍ୟାକାଣ୍ଡ: ନୟାଗଡ଼ ଏସପିଙ୍କ ସହ ଭୁବନେଶ୍ବର ଡିସିପିଙ୍କ ଆଲୋଚନା
ଘଟଣା ପରେ ପରୀର ବାପା ଓ ମାଆଙ୍କୁ କାଉନସିଲିଂ ପାଇଁ କ୍ୟାପିଟାଲ ହସ୍ପିଟାଲ ପଠାଇ ଦିଆଯାଇଥିଲା। ସେଠାରେ ଦୁହିଁଙ୍କ ଚିକିତ୍ସା ପରେ ସେମାନଙ୍କୁ ନୟାଗଡକୁ ପଠାଇ ଦିଆଯାଇଛି। ଏନେଇ ଭୁବନେଶ୍ବର ଡିସିପି ଉମାଶଙ୍କର ଦାସ ନୟାଗଡ଼ ଏସପିଙ୍କ ସହ କଥା ହେବା ସହ ଆଜି ଘଟଣା ସମ୍ପର୍କରେ ଜଣାଇଥିଲେ। ଏହାପରେ ପରୀ ହତ୍ୟାକାଣ୍ଡ ମାମଲାରେ ଆଲୋଚନା କରିଥିଲେ।