ଭୁବନେଶ୍ବର: ଆସନ୍ତା 29 ତାରିଖରୁ ମୌସୁମୀକାଳୀନ ରାଜ୍ୟ ବିଧାନସଭା ବୈଠକ ଅନୁଷ୍ଠିତ ହେବା ନେର ସ୍ଥିର ହୋଇଛି। ମୁଖ୍ୟ ବିରୋଧୀ ଦଳ ଭାବେ ଭାରତୀୟ ଜନତା ପାର୍ଟି ରାଜ୍ୟବାସୀଙ୍କ ସମସ୍ୟା ଓ ଅଭିଯୋଗଗୁଡିକ ବିଧାନସଭାରେ ଉପସ୍ଥାପନ କରିବ ।
ରଣନୀତି ପ୍ରସ୍ତୁତ ପାଇଁ ଆଜି ବିଜେପିର ବିଧାୟକ ଦଳ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକ ୱେବିନାର ଭିଡିଓ କନଫରେନ୍ସ ମାଧ୍ୟମରେ ଅନୁଷ୍ଠିତ ହୋଇଥିଲା। ରାଜ୍ୟ ସଭାପତି ସମୀର ମହାନ୍ତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ବହୁ ଗୁରୁତ୍ବପୂର୍ଣ୍ଣ ପ୍ରସଙ୍ଗରେ ଆଲୋଚନା କରାଯାଇଥିଲା।
ଏହି ବୈଠକରେ ବିରୋଧୀ ଦଳ ନେତା ପ୍ରଦୀପ୍ତ ନାଏକ, ଦୁଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ପ୍ରତାପ ଷଡଙ୍ଗୀ, ବରିଷ୍ଠ ନେତା ଏବଂ ସାଂସଦ ଜୁଏଲ ଓରାମ ପ୍ରମୁଖ ସାମିଲ ହୋଇଥିଲେ । ଆସନ୍ତା ମୌସୁମି ଅଧିବେଶନରେ ବିଜୁଳି ଦର ବୃଦ୍ଧି, କୃତ୍ରିମ ବନ୍ୟା ,ତୃଟିପୂର୍ଣ୍ଣ କୋଭିଡ୍ ପରିଚାଳନା, ପ୍ରବାସୀ ସମସ୍ୟା, ନୂତନ ବିଶ୍ଵବିଦ୍ୟାଳୟ ବିଲ୍ , ପ୍ରଧାନମନ୍ତ୍ରୀ ଆବାସ ଯୋଜନାର ଦୁର୍ନୀତି ମୁଖ୍ୟ ପ୍ରସଙ୍ଗ ରହିବ।
ଆୟୁଷ୍ମାନ ଯୋଜନାକୁ ଓଡ଼ିଶାରେ ସାମିଲ କରିବା ଆଦି ଲମ୍ବା ପ୍ରସଙ୍ଗ ନେଇ ବିଧାନସଭାକୁ ଯିବ ମୁଖ୍ୟ ବିରୋଧୀ ଦଳ ବିଜେପି । ଏହାସହ ରାଜ୍ୟବାସୀଙ୍କୁ ସମସ୍ୟା ନେଇ ସରକାରଙ୍କୁ ଘେରିବ।
ଭୁବନେଶ୍ବରରୁ ତପନ ଦାସ, ଇଟିଭି ଭାରତ