ଭୁବନେଶ୍ବର :ପଟ୍ଟା ପାଇଁ ବିଡିଏର ଦ୍ବାରସ୍ତ ହେଲେ ଶତାଧିକ ଜଟଣୀ ବାସିନ୍ଦା । ଏ ନେଇ ବିଡିଏ କଲୋନୀର ୧୨୫ ବାସିନ୍ଦା ବିଡ଼ିଏ ଅଫିସରେ ଦାବିପତ୍ର ପ୍ରଦାନ କରିଛନ୍ତି । ସ୍ଥାୟୀ ପଟ୍ଟା ପ୍ରଦାନ ଦାବିରେ ଜଟଣୀ ବିଧାୟକ ସୁର ରାଉତରାୟଙ୍କ ନେତୃତ୍ବରେ ବିଡ଼ିଏ ଉପାଧ୍ୟକ୍ଷଙ୍କୁ ଭେଟିଛନ୍ତି ଜଟଣୀ ବିଡ଼ିଏ କଲୋନୀ ବାସିନ୍ଦା ।
ବିଡିଏରେ ଲୋକେ ୧୯୮୨ ମସିହାରୁ ଘର କିଣି ରହୁଛନ୍ତି । ବିଡ଼ିଏ ଘର କରି ଲୋକଙ୍କୁ ବିକିଥିଲେ ବି ଏହି ଜମି ଏବେବି ରାଜସ୍ବ ବିଭାଗ ଅଧିନରେ ରହିଛି । ସମସ୍ତ ବାସିନ୍ଦା ସମୁଦାୟ ଘର ମୂଲ୍ୟ କିସ୍ତି ଟଙ୍କା ଆକାରରେ ସୁଝି ସାରିଲେଣି । ତେଣୁ ଏବେ ସେମାନଙ୍କ ପଟ୍ଟା ଦରକାର ବୋଲି କହିଛନ୍ତି । ପଟ୍ଟା ପାଇବା ଲାଗି ବାରମ୍ବାର ବିଡ଼ିଏ ଅଫିସ୍ ଦଉଡୁଛନ୍ତି କିନ୍ତୁ ପଟ୍ଟା ମିଳୁନାହିଁ ବୋଲି ଅଭିଯୋଗ କରିଛନ୍ତି । ପ୍ରଥମେ ଜମି ବିଡ଼ିଏ ଖାତାକୁ ଆସିବ ଓ ପରେ ବିଡ଼ିଏ ଲୋକଙ୍କୁ ଦେବ । ତେଣୁ ଏହି କ୍ଷେତ୍ରରେ କ୍ୟାବିନେଟ୍ ଅନୁମତି ନିହାତି ଆବଶ୍ୟକ । ଏହି ଆଧାରରେ ଭାଇସ ଚେୟାରମାନ୍ ପ୍ରତିଶୃତି ଦେଇଛନ୍ତି ଯେ କ୍ୟାବିନେଟ୍ ଅନୁମତି ଦେବାପରେ ଖୁବ୍ ଶୀଘ୍ର ସମସ୍ତଙ୍କୁ ପଟ୍ଟା ଦିଆଯିବ ।