ଭୁବନେଶ୍ବର: ସରକାରୀ ଯାତ୍ରୀ ନିବାସରେ ଅବହେଳା । ତେବେ ଦୃଶ୍ୟଟି ହେଉଛି ଭୁବନେଶ୍ୱର ମହାନଗର ନିଗମ ଅଧୀନରେ ଥିବା ଏକ ମାତ୍ର ସରକାରୀ ଯାତ୍ରୀ ନିବାସର ।
ସୂଚନା ମୁତାବକ, ୧୯୮୮ ମସିହାରେ ସରକାରୀ ଉଦ୍ୟମରେ ତିଆରି ହୋଇଥିଲା ଏହି ଯାତ୍ରୀ ନିବାସ । ଏଠାରେ ମୋଟ ୪୨ଟି ରୁମ୍ , ୩ଟି ଡର୍ମିଟୋରୀ ରହିଛି । ତେବେ ଏହି ଯାତ୍ରୀ ନିବାସର ଲକ୍ଷ୍ୟ ଥିଲା ରାଜଧାନୀକୁ ବାହାରୁ ଆସୁଥିବା ଯାତ୍ରୀଙ୍କୁ ସୁଲଭ ମୂଲ୍ୟରେ ସାମୟିକ ରହଣି ପାଇଁ ବ୍ୟବସ୍ଥା କରାଇବା । ହେଲେ ଏହି ଉଦ୍ୟମ ଏବେ ମୂଳ ଲକ୍ଷରୁ ଓହରିଯାଇଛି । ଅନେକ ଅବ୍ୟବସ୍ଥା ଭିତରେ ଚାଲିଛି ଏହି ଯାତ୍ରୀ ନିବାସ ।
ଭିଡିଓ ସୌଜନ୍ଯ: ସମ୍ବାଦଦାତା, ଭୁବନେଶ୍ବର
ଦ୍ବିତୀୟ ମହଲାରେ ପ୍ରାୟ ସମସ୍ତ ରୁମ ଗୁଡିକ ଭାଙ୍ଗିଯାଇଛି । କେଉଁଠି ଛାତ ଫାଟି ପାଣି ଗଳୁଛି ତ ଆଉ କେଉଁଠି ଛାତରୁ ପ୍ଲାଷ୍ଟର ଖସୁଛି । ଏଥିସହ ଏଠାକାର ଶୌଚାଳୟର ଅବସ୍ଥା ଦୟନୀୟ । ଏପରି ସ୍ଥିତିରେ ଯାତ୍ରୀମାନେ କେତେ ସୁରକ୍ଷିତ ତାହା ଆପଣ ଜାଣିପାରୁଥିବେ ।