ଭୁବନେଶ୍ବର: ନା ଅଛି ଗୁରୁବାର ମାଣବସା। ନା ଅଛି ସଂକ୍ରାନ୍ତିର ମାହୋଲ। ତଥାପି ବସ୍ତିର ଦୁଆର ଦୁଆରେ ପଡିଛି ମୁରୁଜ ଓ ଝୋଟି। ନାଲି ନିଳ ହଳଦିଆ ସହ ଧଳା ରଙ୍ଗର ଝୋଟି । ତା ସାଙ୍ଗକୁ ରଙ୍ଗ ବେରଙ୍ଗର ମୁରୁଜରେ ସୁନ୍ଦର ସୁନ୍ଦର ଫୁଲ ଓ ଠାକୁରଙ୍କ ଚିତ୍ର। ବସ୍ତିର ମହିଳା ଓ କୁନି କୁନି ପିଲା ମିଶି ପକାଇଛନ୍ତି ଏପରି ମୁରୁଜ ଝୋଟି। କାରଣ ପୁଣି ଆରମ୍ଭ ହୋଇଛି ବସ୍ତିକୁ ଚାଲ ଅଭିଯାନ(Basti ku Chala Abhiyan)।
ପୁଣି ଆରମ୍ଭ ହେଲା ବସ୍ତି ଚାଲ ଅଭିଯାନ, ବସ୍ତିରୁ ବସ୍ତି ବୁଲି ଦେଖିଲେ CP ଓ DCP
କମିଶନରେଟ ପୋଲିସ(commissionerate police) ବସ୍ତିରେ ଅପରାଧ ନିୟନ୍ତ୍ରଣ କରିବା ପାଇଁ ଏଭଳି ଅଭିଯାନ କରୁଛି । ଏନେଇ ରାଜଧାନୀର ବନଫୁଲ ବସ୍ତି, ଜଲ୍ଲି ବସ୍ତି, ସାଇନ୍ସପାର୍କ ବସ୍ତି, ତପୋବନବସ୍ତି, ଧିରିକୁଟ,ହଳଦି ପଡିଆ ,ପଣ୍ଡା ପାର୍କ,କାର୍ଗିଲ ବସ୍ତି ଭଳି ୨୬ଟି ବସ୍ତିରେ କମିଶନରେଟ ପୋଲିସ କରୁଛି ଝୋଟି ମୁରୁଜ ପ୍ରତିଯୋଗିତା। ଏଥିରେ ୩୮୦ ଜଣ ଝୋଟି ପ୍ରତିଯୋଗିତା, ୩୮୮ଜଣ ମୁରୁଜ ପ୍ରତିଯୋଗିତା, ୨୫୩ ଜଣ ଜୁନିୟର ଡ୍ରଇଂ, ୩୯୧ ଜଣ ସିନିୟର ଡ୍ରଇଂ ପ୍ରତିଯୋଗିତାରେ ଭାଗ ନେଇଛନ୍ତି ।