ଭୁବନେଶ୍ବର: ଜୟଦେବ ନିର୍ବାଚନ ମଣ୍ଡଳୀରୁ ବିଜୟୀ ହେଲେ ପୁର୍ବତନ ମନ୍ତ୍ରୀ ତଥା ବିଜେଡି ନେତା ଅରବିନ୍ଦ ଢାଲି । ମୋଟ ୬୦୨୯୮ ଭୋଟ ପାଇଥିବା ବେଳେ ନିଜର ପ୍ରତିଦ୍ବନ୍ଦ୍ବୀ ସ୍ବାଧୀନ ପ୍ରାର୍ଥୀ ନବ କିଶୋର ମଲ୍ଲିକଙ୍କୁ ୧୭୮୦୦ ଭୋଟରେ ପରାସ୍ତ କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦାଦାତା, ଭୁବନେଶ୍ବର
ବିଜୟ ପରେ ଅରବିନ୍ଦଙ୍କ ଗଣ୍ଡମୁଣ୍ଡା ଛକ ସ୍ଥିତ ବାସଭବନରେ ହର୍ଷ ଉଲ୍ଲାସର ମାହୋଲ। ଦଳିୟ କର୍ମୀଙ୍କ ଗହଣରେ ବାଜା ବାଣରେ ସେଲିବ୍ରେସନ ହୋଇଛି । ତେବେ ଜୟଦେବବାସୀ ତାଙ୍କ ପ୍ରତି ଯେଉଁ ବିଶ୍ବାସ ଓ ଭରସା ପ୍ରକଟ କରି ତାଙ୍କୁ ବିଜୟୀ କରିଛନ୍ତି, ସେ ନେଇ ତାଙ୍କୁ ପ୍ରଣାମ ଜଣାଇଛନ୍ତି ଅରବିନ୍ଦ । ଏହାସହ ମୁଖ୍ଯମନ୍ତ୍ରୀଙ୍କ ଯୋଗୁଁ ବିଜୟ ହାସଲ କରିଥିବା କହିଛନ୍ତି ଅରବିନ୍ଦ । ଏଥି ସହ ଜୟଦେବର ଅଧୁରା ଥିବା ବିକାଶକୁ ପୂରଣ କରିବେ ବୋଲି କହିଛନ୍ତି । ତା ସହିତ ମୁଖ୍ଯମନ୍ତ୍ରୀ ଚାହିଁଲେ ସେ ପୁଣି ଥରେ ମନ୍ତ୍ରୀ ହୋଇପାରନ୍ତି ବୋଲି କହିଛନ୍ତି ।