ଭୁବନେଶ୍ବର: ନନ୍ଦନକାନନରେ ଅସୁରକ୍ଷିତ ବନ୍ୟପ୍ରାଣୀ । ଏକଥା ଆମେ ନୁହେଁ ଗତ 2019 ମସିହାରେ ବିଲୁପ୍ତ ଜୀବଜନ୍ତୁ ପ୍ରାଣ ହରାଇଥିବାର ରେକର୍ଡ କହୁଛି । ତେବେ କଣ ପାଇଁ 2019 ମସିହାରେ ଏତେ ସଂଖ୍ୟାରେ ବନ୍ୟଜନ୍ତୁ ମୃତ୍ୟୁବରଣ କଲେ, କେଉଁଠି ରହିଲା ତ୍ରୁଟି, କଣ ଆଉ ବ୍ୟବସ୍ଥା ବା ପଦକ୍ଷେପ ନେଇଥିଲେ ଭଲ ହୋଇଥାନ୍ତା ସେନେଇ କଣ କହୁଛନ୍ତି ପରିବେଶବିତ ଚାଲନ୍ତୁ ଜାଣିବା...
ନନ୍ଦନକାନନର ଶନିଦଶାକୁ କାଟିବ କିଏ?
ଗତ ବର୍ଷକରେ ଓରାଙ୍ଗ ଓଟାନ୍, ହାତୀ, ସିଂହ, ବାଘ ସମେତ ଆନାକାଣ୍ଡା ପରି 70 ପ୍ରଜାତିର ବିରଳ ପ୍ରାଣୀଙ୍କର ମୃତ୍ୟୁ ଘଟିଛି। ପର୍ଯ୍ୟଟକ ମାନଙ୍କୁ ନନ୍ଦନକାନନରେ ବାନ୍ଧି ରଖିବାକୁ ରାଜ୍ୟ ସରକାର ପ୍ରତିବର୍ଷ ନନ୍ଦନକାନନ କୁ ନୂଆ ନୂଆ ପ୍ରଜାତିର ଜୀବଜନ୍ତୁ ଆଣିଥାନ୍ତି। ହେଲେ ଏଠାରେ ଜୀବଜନ୍ତୁଙ୍କ ରକ୍ଷଣାବେକ୍ଷଣ ସହ ଉପଯୁକ୍ତ ଚିକିତ୍ସା ଅଭାବ ସାଙ୍ଗକୁ ପରିବେଶରେ ଭାରସାମ୍ୟ ନଥିବାରୁ ମୃତ୍ୟୁମୁଖରେ ପଡ଼ୁଛନ୍ତି ନିରୀହ ବନ୍ୟପ୍ରାଣୀ। ପର୍ଯ୍ୟଟକମାନେ ନୂଆ ବନ୍ୟପ୍ରାଣୀଙ୍କୁ ଦେଖିବାକୁ ନପାଇ ନିରାଶ ହୋଇ ଫେରିଯାଉଛନ୍ତି।
- ତେବେ 2019 ମସିହାରେ ନନ୍ଦନକାନନରେ କେତେ ପ୍ରାଣୀ ଜୀବନ ହାରିଛନ୍ତି...
- 2019 ମସିହାର ଜାନୁଆରୀ 10 ତାରିଖରେ ଜଳହସ୍ତୀର ମୃତ୍ୟୁ ଠାରୁ ଆରମ୍ଭ କରି ଡିସେମ୍ବର 30 ରେ କଲରାପତରିଆ ବାଘର ମୃତ୍ୟୁ ଖବର ପର୍ଯ୍ୟଟକଙ୍କୁ ନିରାଶ କରିଥିଲା।
- ଏକ ବର୍ଷ ମଧ୍ୟରେ 70 ରୁ ଊର୍ଦ୍ଧ୍ବ ବିରଳ ଜୀବଜନ୍ତୁ ମୃତ୍ୟୁବରଣ କଲେଣି ।
- 2019ରେ 4 ହାତୀ, 4 ଜଳହସ୍ତୀ, 2 ବାଘ ବାଘୁଣୀ, ସିଂହ ସହ ବହୁ ବିରଳ ପ୍ରଜାତିର ଜୀବଜନ୍ତୁଙ୍କ ମୃତ୍ୟୁ ଘଟିଛି।
- ହରପିସ ଭୂତାଣୁରେ 4 ଟି ହାତୀର ଜୀବନ ଯାଇଥିଲା ।
- ବର୍ଷ ଆରମ୍ଭରୁ ଫେବ୍ରୁଆରୀ 21 ରେ ବାଘ ରୋସନର ମୃତ୍ୟୁ ନନ୍ଦନକାନନକୁ ଓ ପର୍ଯ୍ୟଟକଙ୍କୁ ଦୁଃଖ ଦେଇଥିଲା।
- ଏହା ପରେ ବାଘୁଣୀ ପ୍ରିୟଙ୍କା ଓ ଅକ୍ଟୋବରରେ ଧଳା ବାଘ ଶୁଭ୍ରାଂଶୁର ମୃତ୍ୟୁ ଘଟିଛି।
- ଫେବ୍ରୁଆରୀ ମାସ 21ତାରିଖରେ ଗୟଳର ମୃତ୍ୟୁ ।
- ମାର୍ଚ୍ଚ ମାସରେ ନୀଳଗିରି ବାନର ଓ ଧୂସର ଗଧିଆ ର ମୃତ୍ୟୁ ଘଟିଥିଲା।
- ଏପ୍ରିଲ ମାସରେ ବିରଳ ପ୍ରଜାତିର କଇଁଛର ମୃତ୍ୟୁ ।
- ମେ ମାସରେ ସନକୁନ ଶୁଆ ନୀଳଗିରି ବାନରର ମୃତ୍ୟୁ ।
- ଜୁଲାଇ ମାସରେ ନୀଳଗାଇ , ଟୋରେକା ପକ୍ଷୀର ମୃତ୍ୟୁ।
- ଅଗଷ୍ଟ ମାସରେ ନିଲଗାଇ, ବାଘୁଣୀ ପ୍ରିୟଙ୍କା ନୀଳଗିରି ବାନର, ହାତୀ ଜୁଲିର ମୃତ୍ୟୁ ।
- ସେପ୍ଟେମ୍ବର ମାସରେ ହାତୀ ଚନ୍ଦନ, ହାତୀ କମଳା, ହାତୀ ଗୌରୀ, ସହ ନୀଳଗିରି ବାନର ମୃତ୍ୟୁ ବରଣ କରିଛନ୍ତି। ଅକ୍ଟୋବର ମାସରେ ଧଳା ବାଘ ଶୁଭ୍ରାଂଶୁ ସହ ମାଙ୍କଡ ଜୀବନ ହାରିଥିଲେ।
- ନଭେମ୍ବର ମାସରେ ଆନାକୋଣ୍ଡା ଓ ଡିସେମ୍ବର ମାସରେ ମଣିପୁର ହରିଣ, ପିଛନା ସିଂହ, କଲରାପତିଆ ବାଘ ଆଦି ମୃତ୍ୟୁ ବରଣ କରିଛନ୍ତି।