ଭୁବନେଶ୍ବର:ସତ୍ୟବାଦୀର ଉଠାଜଳସେଚନ ପ୍ରକଳ୍ପ କାର୍ଯ୍ୟକାରିତା ସମ୍ପର୍କରେ ସମୀକ୍ଷା କରିଛନ୍ତି ଓଡିଶା ଉଠା ଜଳସେଚନ ନିଗମ ଅଧ୍ୟକ୍ଷ ଅମରେଶ ପତ୍ରୀ । ଭୁବନେଶ୍ୱର ସ୍ଥିତ ଓଏଲଆଇସି କାର୍ଯ୍ୟାଳୟରେ ହୋଇଛି ଏହି ସମୀକ୍ଷା ବୈଠକ । ବୈଠକରେ ସତ୍ୟବାଦୀ ବିଧାୟକ ଉମାକାନ୍ତ ସାମନ୍ତରାୟ ଉପସ୍ଥିତ ଥିଲେ । ନିଜ ନିର୍ବାଚନ ମଣ୍ଡଳୀରେ ଉଠା ଜଳସେଚନ ପ୍ରକଳ୍ପର ସ୍ଥିତି ସମ୍ପର୍କରେ ଓଏଲଆଇସି ଅଧ୍ୟକ୍ଷଙ୍କ ଦୃଷ୍ଟି ଆକର୍ଷଣ କରିଛନ୍ତି ବିଧାୟକ । ଏହା ସହ ନିର୍ବାଚନ ମଣ୍ଡଳୀର ଆଉ କେତେକ ସ୍ଥାନରେ ନୂତନ ଉଠାଜଳସେଚନ ପ୍ରକଳ୍ପ ସ୍ଥାପନ ପାଇଁ ପ୍ରସ୍ତାବ ଦେଇଛନ୍ତି ବିଧାୟକ ।
ସତ୍ୟବାଦୀ ଓ କଣାସ ବ୍ଲକରେ ମୋଟ ୨୫୩ ଟି ଉଠା ଜଳସେଚନ ପ୍ରକଳ୍ପ ଅଛି । ୨୦୭ ଟି ପ୍ରକଳ୍ପ କାର୍ଯ୍ୟକ୍ଷମ ରହିଛି । ୩୭ଟି ପ୍ରକଳ୍ପ ଅସ୍ଥାୟୀ ଭାବେ ଅଚଳ ରହିଛି । ଏହା ସହ ୯ଟି ସ୍ଥାୟୀ ଭାବେ ଅଚଳ ରହିଛି । ସଂପ୍ରତି ଖରିଫ ଚାଷ କାର୍ଯ୍ୟ ସମୟରେ କୃଷି କ୍ଷେତ୍ରକୁ ଆବଶ୍ୟକ ପରିମାଣର ଜଳ ଯୋଗାଣକୁ ନିଶ୍ଚିତ କରିବାର ଆବଶ୍ୟକତା ରହିଛି । ସବୁ ଉଠାଜଳସେଚନ ପ୍ରକଳ୍ପଗୁଡିକୁ ତ୍ୱରିତ କାର୍ଯ୍ୟାନୁଷ୍ଠାନ ନିଆଯାଇ ଯୁଦ୍ଧକାଳୀନ ଭିତିରେ ଶୀଘ୍ର ଶେଷ କରିବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି ।