ଭୁବନେଶ୍ବର: ରାଜଧାନୀର ଏକ ଘରୋଇ ନର୍ସିଂ କଲେଜ ନାମରେ ପାଠ୍ୟକ୍ରମର ନକଲି ସାର୍ଟିଫିକେଟ ଯୋଗାଇଥିବା ଅଭିଯୋଗ ହୋଇଛି । ଏ ସମ୍ପର୍କରେ ଖଣ୍ଡଗିରି ଥାନାରେ ଛାତ୍ରଛାତ୍ରୀଙ୍କ ଅଭିଯୋଗ ପରେ କର୍ତ୍ତୃପକ୍ଷଙ୍କୁ ଡକ୍ୟୁମେଣ୍ଟ ଦାଖଲ କରିବା ପାଇଁ ନିର୍ଦ୍ଦେଶ ଦିଆଯାଇଛି ।
ଘରୋଇ ନର୍ସିଂ କଲେଜ ନାଁରେ ନକଲି ସାର୍ଟିଫିକେଟ ଠକେଇ ଅଭିଯୋଗ
ଏହି କଲେଜରେ ଏଏନମ, ଜିଏନମ, ଓଟି, ଆଇସିୟୁ ପାଠ୍ୟକ୍ରମ ନାମରେ କୋଟିଏ ଟଙ୍କା ଛାତ୍ରଛାତ୍ରୀଙ୍କଠୁ ଠକି ନେଇଥିବା ଅଭିଯୋଗ ହୋଇଛି । ପାଠ୍ୟକ୍ରମ ସରିବା ପରେ ଛାତ୍ରଛାତ୍ରୀଙ୍କୁ ନକଲି ସାର୍ଟିଫିକେଟ କଲେଜ ଯୋଗାଇ ଦେଇଛି । ଏନେଇ କଲେଜ ନାମରେ ଖଣ୍ଡଗିରି ଥାନାରେ ଅନେକ ଛାତ୍ରଛାତ୍ରୀ ଅଭିଯୋଗ କରିଛନ୍ତି । ଯାହାକୁ ନେଇ ପୋଲିସ ଯାଞ୍ଚ ପ୍ରକ୍ରିୟା ଆରମ୍ଭ କରିଛି ।