ଭୁବନେଶ୍ବର: ରାଜ୍ୟରେ ଲାଗି ରହିଛି ପରୀ ଝଡ । ନୟାଗଡର 5 ବର୍ଷିୟ ଝିଅ ପରୀକୁ ନ୍ୟାୟ ଦାବିରେ ପଲ୍ଲୀରୁ ଦିଲ୍ଲୀରେ ଚାଲିଛି ବିକ୍ଷୋଭ ଆନ୍ଦୋଳନ । ବିଜେପି ପରୀକୁ ନ୍ୟାୟ ଦାବିରେ ଅଡି ବସିଥିବା ବେଳେ ରାଜଧାନୀରେ ସାମ୍ବାଦିକ ସମ୍ମିଳନୀ କରି ପରୀ ପାଇଁ ପୁଣି ନ୍ୟାୟ ମାଗିଛି । ପରୀ ହତ୍ୟାକାଣ୍ଡ ଘଟଣାରେ ସିବିଆଇ ତଦନ୍ତ ସହ ମନ୍ତ୍ରୀ ଅରୁଣ ସାହୁଙ୍କ ବହିଷ୍କାର ଦାବି କରିଛି ଦଳ ।
ପରୀ ପାଇଁ ନ୍ୟାୟ: ପୁଣି ସିବିଆଇ ଦାବି ତଦନ୍ତ ଦୋହରାଇଲା ବିଜେପି
ରାଜ୍ୟ ବିଜେପି ପକ୍ଷରୁ ସାମ୍ବାଦିକ ସମ୍ମିଳନୀରେ ଉଭୟ ବିଜେଡି ଓ କଂଗ୍ରେସ ଉପରେ ଜୋରଦାର ବର୍ଷିଛନ୍ତି ବିଜେପି ରାଜ୍ୟ ସଭାପତି ସମୀର ମହାନ୍ତି । ପରୀ ଘଟଣାରେ ଅଭିଯୁକ୍ତକୁ ଉଭୟେ ଘଣ୍ଟ ଘୋଡାଉଛନ୍ତି ବୋଲି ବିଜେପି ସଙ୍ଗୀନ ଅଭିଯୋଗ ଆଣିଛି । ସାମ୍ବାଦିକ ସମ୍ମିଳନୀରେ ରାଜ୍ୟ ସରକାରଙ୍କୁ ଟାର୍ଗେଟ କରି ସମୀର ଅଭିଯୋଗ ଆଣି କହିଛନ୍ତି କି, ପରୀ ଏକ ଗରିବ ଡ୍ରାଇଭରର ଝିଅ । ତା ପ୍ରତି ବର୍ବରତା ଏକ ପ୍ରସଙ୍ଗ ନୁହେଁ କି ? ଉଭୟ ବିଜେଡ଼ି ଓ କଂଗ୍ରେସ ଏହି ଘଟଣାରେ ଅଭିଯୁକ୍ତକୁ ଘଣ୍ଟ ଘୋଡାଇବା ପାଇଁ ଉଦ୍ୟମ କରୁଛନ୍ତି ।