ଏବେ ବି ରହସ୍ୟ ଘେରରେ ଆଦିତ୍ୟ ଦାସ ମୃତ୍ୟୁ ମାମଲା, ମୁହଁ ଖୋଲିଲେ ବାପା ମା’

ଆଦିତ୍ୟ ଦାସ ହତ୍ୟା ମାମଲାକୁ ବିତିଛି ଦେଢ ମାସ । ହେଲେ ଆଜି ବି ବାପା ମା’ ସହଜରେ ଗ୍ରହଣ କରିପାରୁନାହାନ୍ତି ପୁଅର ମୃତ୍ୟୁକୁ । ଏନେଇ ଏକ ଭିଡିଓ ଜାରି କରି ସେ ଘଟଣାର ପର୍ଦ୍ଦାଫାସ ସହ ଅଭିଯୁକ୍ତକୁ ଧରିବା ପାଇଁ ନିବେଦନ କରିଛନ୍ତି ।

ଭୁବନେଶ୍ବର: ଆଦିତ୍ୟ ଦାସ ମୃତ୍ୟୁ ମାମଲାକୁ ବିତିଛି ଦେଢ ମାସ । ଜିଆରପିଠାରୁ କ୍ରାଇମବ୍ରାଞ୍ଚ ନେଇଛି ତଦନ୍ତ ଭାର । 20ରୁ ଉର୍ଦ୍ଧ୍ବ ଲୋକଙ୍କ ନିଆଯାଇଛି ବୟାନ। ହାତ ଲେଖା ଡାଏରୀଠାରୁ ଆରମ୍ଭ କରି କଲ ରେକର୍ଡ ଓ ମୋବାଇଲ ଫୋନର ଫେସବୁକ ଓ ହ୍ବାଟସପ ତଥ୍ୟ ବି ପାଇଛି ତଦନ୍ତକାରୀ ସଂସ୍ଥା । ହେଲେ ଏତେସବୁ ସତ୍ତ୍ବେ ହତ୍ୟା ମାମଲା ପଛରେ କିଏ ସେନେଇ କୌଣସି ମିଳୁନି ସୁରାକ ।

ସୂଚନା ଅନୁଯାୟୀ ଜୁଲାଇ 7 ତାରିଖରୁ ଲିଙ୍ଗରାଜ ଷ୍ଟେସନରୁ ମିଳିଥିଲା ଆଦିତ୍ୟଙ୍କ ମୃତଦେହ । ମୃତ୍ୟୁ ପୁର୍ବରୁ ସିସିଟିଭି ଦୃଷ୍ୟ ସହ ଟ୍ରେନ ଲାଇନରେ ଯାତାୟତ କରିଥିବା ସମସ୍ତ ଟ୍ରେନର ଲୋକେ ପାଇଲଟ ଓ ଟ୍ରେନ କର୍ମଚାରୀଙ୍କୁ ମଧ୍ୟ ପଚରାଉଚରା ହୋଇଛି । ହେଲେ ଏତେସବୁ ସତ୍ତ୍ବେ 4 ଜଣଙ୍କ ଲାଏ ଡିଟେକ୍ସନ ଟେଷ୍ଟ ପାଇଁ ଆବେଦନ କରିଛି କ୍ରାଇମବ୍ରାଞ୍ଚ।

ତେବେ ଏସବୁ ଭିତରେ ପୁଅର ମୃତ୍ୟୁ ପାଇଁ ଗୁମୁରି ଗୁମରି କାନ୍ଦୁଛନ୍ତି ବାପା ମା’। ସହଜରେ ଗ୍ରହଣ କରିପାରୁନାହାନ୍ତି ପୁଅର ମୃତ୍ୟୁକୁ । ଏହା ପଛରେ ପ୍ରକୃତ ଦୋଷୀକୁ ଧରିବାକୁ ଭିଡିଓ ଜରିଆରେ କରିଛନ୍ତି ଗୁହାରୀ । ଏପରିକି କେତେବଳେ ପୁଅକୁ ମନେ ପକାଇ ଖାଉ ନାହାନ୍ତି ତ କେତେବେଳେ ପୁଅର ମୃତ୍ୟୁ ଖବର ଶୁଣି ହେଉଛନ୍ତି ମର୍ମାହତ । ଏନେଇ ଏକ ଭିଡିଓ ଜାରି କରି ସେ ଘଟଣାର ପର୍ଦ୍ଦାଫାସ ସହ ଅଭିଯୁକ୍ତକୁ ଧରିବା ପାଇଁ ନିବେଦନ କରିଛନ୍ତି ।

ଭୁବନେଶ୍ବରରୁ ତାପସ ପରିଡା, ଇଟିଭି ଭାରତ