ଭୁବନେଶ୍ବର: ଡିସେମ୍ବର 25 ଓ 26 ଦୁଇ ଦିନ ଧରି ଅଖିଳ ଭାରତ ବିଦ୍ୟାର୍ଥୀ ପରିଷଦର 66ତମ ଜାତୀୟ ସମ୍ମିଳନୀ ନାଗପୁର ଠାରେ ଅନୁଷ୍ଠିତ ହୋଇଯାଇଛି। ଯେଉଁଥିରେ 4 ଗୋଟି ମୁଖ୍ୟ ପ୍ରସ୍ତାବ ପାସ ହୋଇଥିବା ବେଳେ ଏହାକୁ କିପରି ରାଜ୍ୟରେ କାର୍ଯ୍ୟକାରୀ କରାଯିବ ତା ଉପରେ ଗୁରୁତ୍ବ ଦିଆଯାଉଥିବା କହିଛନ୍ତି ପରିଷଦର ରାଷ୍ଟ୍ରୀୟ ସମ୍ପାଦକ ସପ୍ତର୍ଷି ସରକାର।
'ଏବିଭିପି ରାଷ୍ଟ୍ରୀୟ କାର୍ଯ୍ୟକାରିଣୀରେ ପାରିତ ପ୍ରସ୍ତାବକୁ ଉଚିତ ଢଙ୍ଗରେ ରାଜ୍ୟରେ କାର୍ଯ୍ୟକାରୀ କରାଯିବ
ଆଜି(ଗୁରୁବାର) ପରିଷଦର ସିଟି ଅଫିସ ଠାରେ ଅନୁଷ୍ଠିତ ସାମ୍ବାଦିକ ସମ୍ମିଳନୀ ସରକାର କହିଛନ୍ତି ଯେ, ଜାତୀୟ ଶିକ୍ଷା ନୀତି ଆଧାରରେ ସରକାର ଜାତୀୟ ଶିକ୍ଷା ନୀତିର ପ୍ରଣୟନ କରିଛନ୍ତି। କିନ୍ତୁ ଏହା କିଭଳି ଭାବରେ ସାରା ଦେଶରେ ଲାଗୁ ହେବ ଓ ଛାତ୍ର ସମାଜର ମଙ୍ଗଳ ବିଧାନ କ୍ଷେତ୍ରରେ ଉପଯୋଗୀ ହୋଇ ପାରିବ ସେନେଇ ସରକାର କୌଣସି ପଦକ୍ଷେପ ନେଉ ନାହଁନ୍ତି। ଏଦିଗରେ କିପରି ତ୍ବରିତ କାର୍ଯ୍ୟକ୍ରମ ଗ୍ରହଣ ହୋଇପାରିବ ସେନେଇ ସଂଗଠନ କାର୍ଯ୍ୟ କରିବ।