ଭଦ୍ରକ: ରାଜ୍ୟରେ ବଢୁଛି କୋରୋନା ଆକ୍ରାନ୍ତଙ୍କ ସଂଖ୍ୟା। ଆଜି ପୁଣି 7 ଆକ୍ରାନ୍ତ ଚିହ୍ନଟ ହୋଇଛନ୍ତି । ଏଥିରେ ସୁନ୍ଦରଗଡରୁ 4 ଓ ଭଦ୍ରକରୁ 3 ଜଣ ଆକ୍ରାନ୍ତ ରହିଛନ୍ତି । ଏହାକୁ ମିଶାଇ ସୁନ୍ଦରଗଡରେ ଆକ୍ରାନ୍ତଙ୍କ ସଂଖ୍ୟା 10 ହୋଇଥିବା ବେଳେ ଭଦ୍ରକରେ ମାମଲା 19କୁ ବୃଦ୍ଧି ପାଇଛି।
ରାଜ୍ୟରେ ପୁଣି 7 ଆକ୍ରାନ୍ତ ଚିହ୍ନଟ, ମାମଲା 118କୁ ବୃଦ୍ଧି
ଏପଟେ ରାଜ୍ୟରେ ସମୁଦାୟ କୋରୋନା ଆକ୍ରାନ୍ତଙ୍କ ସଂଖ୍ୟା 118ରେ ପହଁଞ୍ଚିଛି । ଏନେଇ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗର ୱେବସାଇଟରୁ ସୂଚନା ମିଳିଛି। ତେବେ ଭଦ୍ରକ ଜିଲ୍ଲାରେ ଚିହ୍ନଟ 3 ଆକ୍ରାନ୍ତଙ୍କ ମଧ୍ୟରୁ ଜଣେ ବାସୁଦେବପରୁ ଓ ଅନ୍ୟ ଜଣେ ବନ୍ତ ଅଞ୍ଚଳର। ସମସ୍ତଙ୍କ କଲିକତା ଲିଙ୍କ ସୂଚନା। ଆକ୍ରାନ୍ତ ଚିହ୍ନଟ ଅଞ୍ଚଳରକୁ କଣ୍ଟେନମେଣ୍ଟ ଜୋନ ଭାବେ ଘୋଷଣା କରାଯାଇଛି। ଟୁଇଟ କରି ସୂଚନା ଦେଲେ ଭଦ୍ରକ ଜିଲ୍ଲାପାଳ ଜ୍ଞାନ ଦାସ।