ଭୁବନେଶ୍ବର: ତାଣ୍ଡବ ରଚିଛି ଭୟଙ୍କର ବାତ୍ୟା ଫନି । ଏହାର ପ୍ରଭାବରେ ଲାଗିରହିଛି ପ୍ରବଳ ବର୍ଷା । ପବନର ବେଗ ଏତେ ଅଧିକ ରହିଛି ଯେ ବିଭିନ୍ନ ଅଞ୍ଚଳରେ ବଡ ବଡ ଗଛ ଉପୁଡି ପଡିଛି । ଫଳରେ ଅନେକ ସ୍ଥାନର ରାସ୍ତା ଅବରୋଧ ହେବା ସହ ବିଦ୍ୟୁତ ସରବରାହ ବନ୍ଦ ରହିଛି । ଏହାସହ ବାତ୍ୟାରେ ମୋଟ 5 ଜଣଙ୍କ ମୃତ୍ୟୁ ଘଟିଥିବା ସୂଚନା ରହିଛି ।
ସୂଚନା ଅନୁସାରେ, କେନ୍ଦ୍ରାପଡା ରାଜନଗର ବ୍ଲକର 70 ବର୍ଷୀୟା ବୃଦ୍ଧା ଉଷା ବୈଦ୍ୟଙ୍କର ମୃତ୍ୟୁ ଘଟିଛି। ବାତ୍ୟା ଆଶ୍ରୟସ୍ଥଳରେ ଥିବା ସମୟରେ ବୃଦ୍ଧାଙ୍କ ମୃତ୍ୟୁ ଘଟିଥିବା ସୂଚନା । ଏହାସହ ପୁରୀ ଜିଲ୍ଲାରେ କାନ୍ଥ ପଡି 2 ଜଣ ଗୁରୁତର ହୋଇଥିଲେ । ଫଳରେ ଦୁହିଁଙ୍କୁ ପୁରୀ ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।