ଭୁବନେଶ୍ବର: ରାଜଧାନୀ ଦେଇ ଯାଇଥିବା ଜାତୀୟ ରାଜପଥରେ ଚିହ୍ନଟ ହେଲା 5ଟି ବ୍ଲାକ ସ୍ପଟ । ଅର୍ଥାତ୍ ସବୁଠୁ ଅଧିକ ଦୁର୍ଘଟଣା ପ୍ରବଣ ଅଞ୍ଚଳ । ଆଇଗିଣିଆ ଛକ, ପାହାଳ, ବାଟ ଭୁଆଷୁଣି ଓ ଆଚାର୍ଯ୍ୟ ବିହାର ଓଭରବ୍ରିଜ ସ୍ଲୋପ ଏବଂ ନୟାପଲ୍ଲୀ ହୋଟେଲ କ୍ରାଉନ ସାମ୍ନା ଏହି ପାଞ୍ଚଟି ସ୍ଥାନକୁ ସ୍ପଟ ଭାବେ ଚିହ୍ନଟ କରିଛି କମିଶନରେଟ ପୋଲିସ ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ବ୍ଲାକ ସ୍ପଟ ଚିହ୍ନଟ ପରେ ସେହି ଅଞ୍ଚଳରେ ପ୍ଲାଷ୍ଟିକ ବ୍ଯାରିକେଡ଼ ରାସ୍ତା ଉପରେ ଲଗାଇବାକୁ ଯୋଜନା ଚଳାଇଛି ପୋଲିସ । ଏଥିସହ ଦୁର୍ଘଟଣା ପ୍ରବଳ ଅଞ୍ଚଳ ଯୋଗୁଁ ଇନସାଇନିଆ ବା ସାଇନଏଜ ଲଗାଯିବା ନେଇ ମଧ୍ୟ ପ୍ରସ୍ତାବ ରହିଛି । ବିଗତ ୧ ମାସ ମଧ୍ଯରେ ଏହି ପାଞ୍ଚଟି ସ୍ଥାନରେ ଦୁର୍ଘଟଣା ଘଟି ଅନେକ ଯାତ୍ରୀଙ୍କ ପ୍ରାଣହାନୀ ଘଟିଛି । ତିନି ଦିନରେ ୫ଟି ଜୀବନ ଯିବାପରେ କମିଶନରେଟ ପୋଲିସର ବୁଦ୍ଧି ଉଦୟ ହୋଇଛି ।