ଗରିଫ ହେଲେ 4 ଜଣିଆ ଲୁଟେରା ଗ୍ୟାଙ୍ଗ

ରାଜଧାନୀରେ ବଢିଚାଲିଛି ଲୁଟେରା ଗ୍ୟାଙ୍ଗ । କମିଶନରେଟ ପୋଲିସ 4 ଜଣିଆ ଲୁଟେରା ଗ୍ୟାଙ୍ଗକୁ ଗିରଫ କରି ଅନେକ ଦାମୀ ଜିନିଷ ଜବତ କରିିଛି ।

ଭୁବନେଶ୍ବର: ରାଜଧାନୀରେ ଲୁଟେରାଙ୍କୁ ଧରିଛି କମିଶନରେଟ ପୋଲିସର ସ୍ବତନ୍ତ୍ର ସ୍କ୍ବାଡ୍ । ରାଜଧାନୀ ସମେତ ବିଭିନ୍ନ ଜିଲ୍ଲାରେ ମଧ୍ୟ କିିଛି ଦିନଧରି ଲୁଟ ଚଲେଇଥିଲା ଏହି ଲୁଟେରା ଦଳ ।ତେବେ ଘଟଣା ସ୍ଥଳରେ 4 ଜଣଙ୍କୁ ଗିରଫ କରିବା ସହ ସେମାନଙ୍କ ନିକଟରୁ 2ଟି ଦାମୀ କାର, 5 ଟି ଦାମୀ ଏଲସିଡି ଟିଭି, 4ଟି ବାଇକ ଓ 150 ଗ୍ରାମ ସୁନା ଜବତ କରାଯାଇଛି ।

ସମ୍ଭ୍ରାନ୍ତ ଘରମାନଙ୍କ ଉପରେ ମୁଖ୍ୟତଃ ଏହି ଲୁଟେରା ଦଳ ନଜର ରଖିଥିଲେ । ଘରେ ପଶି ଚୋରି କରିବା ସମେତ ବିଭିନ୍ନ ଦାମୀ କାର ମଧ୍ୟ ଚୋରି କରିଛନ୍ତି ଏହି ଲୁଟେରା । ଲୁଟେରାଙ୍କ ନାମ ଗଣେଶ ପୃଷ୍ଟି, ପ୍ରଦୀପ୍ତ କୁମାର ସାହୁ, ଏସକେ ସାଦମ ହୁସେନ, ବଲ୍ଲଭ ନାୟକ ବୋଲି ଜଣାପଡିଛି । ଏକ ଦାମୀକାରକୁ ବିକିବା ସମୟରେ ପୋଲିସ ଖବର ପାଇ ଚଢାଉ କରିଥିଲା ।

ଭୁବନେଶ୍ବରରୁ ବିକାଶ କୁମାର ଦାସ, ଇଟିଭି ଭାରତ