ଭୁବନେଶ୍ବର: ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରୁ 20 ଲକ୍ଷ ଟଙ୍କାର ସୁନା ବିସ୍କୁଟ ଜବତ । ଦୀର୍ଘଦିନ ପରେ ଭୁବନେଶ୍ବର ବିମାନବନ୍ଦରରୁ 4 ଟି ସୁନା ବିସ୍କୁଟ ଜବତ କରିଛି ଏୟାରପୋର୍ଟ ପୋଲିସ । ସନ୍ଦିଗ୍ଧ ଯୁବକ ଜଣକୁ ପୋଲିସ ଅଟକ ରଖିଥିବା ଜଣାପଡିଛି ।
ଚେନ୍ନାଇ ଯାତ୍ରା କରୁଥିବା ଏହି ଯୁବକ ଜଣଙ୍କ ନିଜ ଦେହରେ ସୁନା ଲୁଚାଇ ଆଣୁଥିବାବେଳେ ଚେକିଂ ସମୟରେ ପୋଲିସ ହାତରେ ଧରାପଡିଛି। ଏନେଇ ପୋଲିସ ପଚରାଉଚରା କରିବା ପରେ ଯୁବକ ଜଣକ ନିଜ ଦେହରେ ସୁନା ବିସ୍କୁଟ ଲୁଚାଇ ନେଉଥିବା ପୋଲିସ ଆଗରେ ସ୍ବୀକାର କରିଥିବା ଜଣାପଡିଛି ।