ଭୁବନେଶ୍ବର: ଫନିର ତାଣ୍ଡବ ପରେ ଧ୍ବସ୍ତ ବିଧ୍ବସ୍ତ ରାଜଧାନୀର ପୁର୍ନଉଦ୍ଧାର ପାଇଁ ଚାଲିଛି ଜୋରସୋରରେ କାମ । ବିଭିନ୍ନ ପ୍ରଭାବିତ ଜିଲ୍ଲାରେ ସ୍ଥିତି ସୁଦ୍ଧାରିବା ପାଇଁ ଯୁଦ୍ଧ କାଳିନ ଭିତିରେ କାମ ଚାଲିଥିବା ଏସଆରସି ସୂଚନା ଦେଇଛନ୍ତି । ପାନୀୟ ଜଳ ଯୋଗାଣ ଓ ବିଜୁଳି ସେବା ପ୍ରାଥମିକ ଭାବେ ଯୋଗାଇ ଦିଆଯାଉଛି । ତେବେ କଟକରେ ଆଜି ସୁଦ୍ଧା ୫୦ ପ୍ରତିଶତ ବିଜୁଳି ପ୍ରଦାନ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ଭୁବନେଶ୍ବର
ସେହିପରି ଭୁବନେଶ୍ବରର ୟୁନିଟ ୩, ୟୁନିଟ ୪, ସତ୍ୟନଗର ଓ ଶୈଳଶ୍ରୀ ବିହାର ଆଦି ଅଞ୍ଚଳରେ ବିଜୁଳି ପ୍ରଦାନ କରାଯାଇଥିବା ଜଣା ପଡିଛି । ଏହା ବ୍ୟତିତ ଭଦ୍ରକ, ଢେଙ୍କାନାଳ ଏବଂ ଅନୁଗୋଳରେ ଶତ ପ୍ରତିଶତ ବିଜୁଳି ଯୋଗାଇ ଦିଆଯାଇଛି । ଏହା ସହ ନୟାଗଡ଼ରେ ୯୦ ପ୍ରତିଶତ, କେନ୍ଦ୍ରାପଡାରେ ୪୦ ପ୍ରତିଶତ ଏବଂ ଯାଜପୁରରେ ୮୦ ପ୍ରତିଶତ ବିଦ୍ୟୁତ୍ ସେବା ଯୋଗାଇ ଦିଆଯାଇଛି ।