ଭୁବନେଶ୍ବର: ରାଜ୍ୟରେ ଖାଲି ପଡିଥିବା ମେଡିକାଲ ଓ ଡେଣ୍ଟାଲ କଲେଜ ସିଟ୍ ପାଇଁ ଆରମ୍ଭ ହେବ ଆଡମିଶନ । ଆସନ୍ତାକାଲି ଠାରୁ ତିନି ଦିନ ଯାଏଁ ସ୍ପଟ ଆଡମିଶନ ହେବ । ଏନେଇ ବିଧିବଦ୍ଧ ଭାବରେ ବିଜ୍ଞପ୍ତି ପ୍ରକାଶ କରିଛି ଓଜେଇଇ ।
ରବିବାରଠାରୁ ରାଜ୍ୟରେ ଖାଲି ପଡିଥିବା ମେଡିକାଲ ସିଟ ପାଇଁ ସ୍ପଟ ଆଡମିଶନ କରାଯିବ । ସକାଳ 10 ଟାରୁ ସନ୍ଧ୍ୟା 5ଟା ପର୍ଯ୍ୟନ୍ତ ଭୁବନେଶ୍ୱରରେ ଏନେଇ ସ୍ୱତନ୍ତ୍ର ଆଡମିଶନ କରାଯିବ । ରାଜ୍ୟରେ 8ଟି ମେଡିକାଲ ଓ 2ଟି ଡେଣ୍ଟାଲ କଲେଜରେ 180 ଟି ସିଟ ଖାଲି ପଡ଼ିଛି । ହାଇଟେକ ମେଡିକାଲ କଲେଜରେ 136ଟି ସିଟ୍ ଖାଲି ପଡିଥିବା ବେଳେ ଏସସିବି ମେଡିକାଲ କଲେଜରେ 32ଟି ସିଟ ଖାଲି ପଡ଼ିଛି ।
ରାଜ୍ୟରେ ରହିଥିବା 10ଟି ମେଡିକାଲ କଲେଜରେ ଏ ଯାଏଁ ସିଟ୍ ପୂରଣ ହୋଇ ପାରିନାହିଁ । ସେହିପରି 180ଟି ସିଟ୍ ଭିତରୁ 113 ଜଣ ଜେନେରାଲ ବର୍ଗର ଛତ୍ରଛାତ୍ରୀଙ୍କ ପାଇଁ ରହିଥିବା ବେଳେ ଏସସିରେ 16, ଏସଟିରେ 19 ଓ ଅନ୍ୟାନ୍ୟରେ 32ଟି ସିଟ ଖାଲି ପଡ଼ିଛି ।