ଭୁବନେଶ୍ୱର: ଗତ 24 ଘଣ୍ଟା ମଧ୍ୟରେ ଦ୍ୱୈତ ନଗରୀରେ ଭଲ ବର୍ଷା ରେକର୍ଡ ହୋଇଛି । ଭୁବନେଶ୍ୱରରେ ସର୍ବାଧିକ ୧୦୭.୦ ମିମି ବର୍ଷା ରେକର୍ଡ କରାଯାଇଛି । ସେହିପରି କଟକ ଜିଲ୍ଲାର ଆଠଗଡ଼, କଟକ ସଦର ଭଳି ସ୍ଥାନ ଗୁଡିକରେ ମଧ୍ୟ ଭଲ ବର୍ଷା ରେକର୍ଡ ହୋଇଛି ।
ଉତ୍ତର ଉପକୂଳ ଓଡିଶା, ଉତ୍ତର-ପଶ୍ଚିମ ବଙ୍ଗୋପସାଗର ଏବଂ ଗାଙ୍ଗେୟ ଆଖପାଖରେ ୱେଲମାର୍କ ଲଘୁଚାପ ସୃଷ୍ଟି ହୋଇଛି । ଏହାର ପ୍ରଭାବରେ ରାଜ୍ୟର ବିଭିନ୍ନ ସ୍ଥାନରେ ପ୍ରବଳରୁ ଅତି ପ୍ରବଳ ବର୍ଷା ହୋଇଛି । ସେହିପରି ଗତ 24 ଘଣ୍ଟାରେ ଦୈତ ନଗରୀରେ ମଧ୍ୟ ଭଲ ବର୍ଷା ରେକର୍ଡ ହୋଇଛି ।
ତେବେ କଣ ରହିଛି ଦକ୍ଷିଣ-ପଶ୍ଚିମ ମୌସୁମୀ ବର୍ଷାର ସ୍ଥିତି ଆସନ୍ତୁ ଜାଣିବା....
୧ ଜୁନରୁ ୧୫ ଅଗଷ୍ଟ ୨୦୨୦ ମଧ୍ୟରେ ଓଡ଼ିଶାରେ ୬୮୦.୯ ମିମି ବର୍ଷା ରେକର୍ଡ ହୋଇଛି । ଯାହା ସ୍ୱାଭାବିକ ବର୍ଷା ୭୪୯.୫ ମିମି ଠାରୁ ୯% ପ୍ରତିଶତ କମ ।
୧ ଜୁନରୁ ୧୫ ଅଗଷ୍ଟ ୨୦୨୦ ମଧ୍ୟରେ ଓଡ଼ିଶାର ୭ଟି ଜିଲ୍ଲା ବାଲେଶ୍ୱର (-୩୧%), ସୋନପୁର (-୩୧%), ,ଖୋର୍ଦ୍ଧା (-୨୫%), ନବରଙ୍ଗପୁର(-୨୫%), ମୟୂରଭଞ୍ଜ(-୨୪%), ବଲାଙ୍ଗୀର(-୨୪%), ପୁରୀ (-୨୧%)ରେ ସ୍ୱାଭାବିକ ବର୍ଷା ଠାରୁ କମ ବର୍ଷା ରେକର୍ଡ କରାଯାଇଛି ।