ଭଦ୍ରକ:ନଦୀ ଭିତରେ ଫସିଯାଇଥିବା OSAP କନେଷ୍ଟବଳଙ୍କୁ ଉଦ୍ଧାର କରିଲା ଭଦ୍ରକ ଅଗ୍ନିଶମ ବାହିନୀ । ଭଦ୍ରକ ରାନ୍ଧିଆ କଲେଜ ଛକସ୍ଥିତ ସାଳନ୍ଦୀ ନଦୀର OSAP କନେଷ୍ଟବଳ ଭକ୍ତରାମ ସାହୁ ଗାଧୋଉଥିବା ସମୟରେ ନଦୀର ପାଣି ଭିତରେ ଥିବା ଟନେଲ ମଧ୍ୟରେ ତାଙ୍କ ଗୋଡ ଲାଖିଯାଇଥିଲା । ଫଳରେ ସେ ଦୀର୍ଘ ସମୟ ଧରି ପାଣି ଭିତରେ ଫସି ରହିଥିଲେ ।
ଟନେଲରେ ଫସିଥିଲେ OSAP କନେଷ୍ଟବଳ, ଉଦ୍ଧାର କଲା ଅଗ୍ନିଶମ ଟିମ ତେବେ ବାରମ୍ବାର ବାହାରିବା ପାଇଁ ଚେଷ୍ଟା କରି ମଧ୍ୟ ସେ ବିଫଳ ହୋଇଥିବାବେଳେ ଖବରପାଇ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲା ଅଗ୍ନିଶମ ଟିମ । ଦୀର୍ଘ ସମୟ ଧରି ଅଗ୍ନିଶମ କର୍ମଚାରୀଙ୍କ ପରିଶ୍ରମ ଓ ଅତ୍ୟାଧୁନିକ ମେସିନ ସାହାଯ୍ୟରେ ଟନେଲ ମଧ୍ୟରୁ କନେଷ୍ଟବଳଙ୍କୁ ଉଦ୍ଧାର କରାଯାଇ ପାରିଥିଲା ।ପରେ ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ସୂଚନା ମିଳିଛି ।
ଭଦ୍ରକରୁ ଦେବାଶିଷ ମହପାତ୍ର, ଇଟିଭି ଭାରତ
