ଭଦ୍ରକ: ରାସ୍ତା ତିଆରିକୁ କେନ୍ଦ୍ର କରି ଗାଁରେ ଗୋଷ୍ଠୀ ସଂଘର୍ଷ । ଏଭଳି ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ବାସୁଦେବପୁର ବ୍ଲକ ଅନ୍ତର୍ଗତ ଆନ୍ଦୋଳା ପଞ୍ଚାୟତ କାଶିପୁର ଗ୍ରାମରେ । ଏକ ରାସ୍ତା ତିଆରିକୁ କେନ୍ଦ୍ରକରି ଦୁଇ ଗୋଷ୍ଠୀଙ୍କ ମଧ୍ଯରେ ବଚସା ହୋଇଥିବା ଦେଖିବାକୁ ମିଳିଛି ।
ରାସ୍ତା ନିର୍ମାଣକୁ କେନ୍ଦ୍ରକରି ଗୋଷ୍ଠୀ ସଂଘର୍ଷ: ୭ ଆହତ ହୋଇ ହସ୍ପିଟାଲରେ ଭର୍ତ୍ତି
ଆଉ ଏହି ବଚସା ଏତେ ଉଗ୍ରରୂପ ଧାରଣ କଲା ଯେ ଶେଷରେ ତେଣ୍ଟା ଓ ଭୁଜାଲି ଚୋଟରେ ସାତ ଜଣ ଗୁରୁତର ଭାବେ ଆହତ ହୋଇଛନ୍ତି । ସୂଚନାନୁଯାୟୀ କାଶିପୁର ଗ୍ରାମର ଶଙ୍କର୍ଷଣ ରାଉଳ ନିଜ ଘରକୁ ଏକ ରାସ୍ତା ତିଆରି କରିଥିଲେ । ତେବେ ଏହି ରାସ୍ତା ଦିବ୍ୟସିଂହ ମିଶ୍ରଙ୍କ ଜମି ଉପରେ କରିଥିବାରୁ ସେ ଶଙ୍କର୍ଷଣକୁ ପଚାରିବାରୁ ଉଭୟଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା ।