ଭଦ୍ରକ: ଶନିବାର ବିଜେଡି ପକ୍ଷରୁ ନାମାଙ୍କନ ପତ୍ର ଦାଖଲ କରିଛନ୍ତି ରାଜେନ୍ଦ୍ର ଦାସ । ଭଦ୍ରକ ଜିଲ୍ଲା ଧାମନଗର ବିଧାନସଭା ନିର୍ବାଚନ ମଣ୍ଡଳୀ ପାଇଁ ସେ ନାମାଙ୍କନ ପତ୍ର ଦାଖଲ କରିଛନ୍ତି । ରାଜ୍ୟର 46 ନମ୍ବର ବିଧାନସଭା ନିର୍ବାଚନମଣ୍ଡଳୀ ଧାମନଗରରୁ ବିଜୁଜନତା ଦଳ ପକ୍ଷରୁ ଦ୍ଵିତୀୟ ଥର ପାଇଁ ପୁଣି ନିର୍ବାଚନ ଲଢିବେ ରାଜେନ୍ଦ୍ର ଦାସ ।
ଭିଡିଓ ସୌଜନ୍ୟ: ସମ୍ବାଦଦାତା,ଭଦ୍ରକ
ରାଜେନ୍ଦ୍ର 2009 ରେ ଏହି ଆସନରୁ ବିଧାୟକ ଭାବେ ନିର୍ବାଚିତ ହୋଇଥିଲେ । ହେଲେ 2014 ରେ ଦଳ ତାଙ୍କ ବଦଳରେ ମୁକ୍ତିକାନ୍ତ ମଣ୍ଡଳଙ୍କୁ ପ୍ରାର୍ଥୀ କରିଥିଲା । ମୁକ୍ତିକାନ୍ତ ମଧ୍ୟ ନିର୍ବାଚନରେ ଜୟଯୁକ୍ତ ହୋଇଥିଲେ । ତେବେ ଚଳିତ ଥର ଦଳ ପୁଣି ରାଜେନ୍ଦ୍ରଙ୍କ ଉପରେ ଆସ୍ଥା ପ୍ରକଟ କରିଛି । ତେଣୁ ତାଙ୍କୁ ପୁନର୍ବାର ଏହି ସୁଯୋଗ ଦେଇଥିବାରୁ ଦଳର ସଭାପତି ନବୀନ ପଟ୍ଟନାୟକଙ୍କୁ ସେ ଧନ୍ୟବାଦ ଜଣାଇଛନ୍ତି ।