ନିଖୋଜ ମହିଳାଙ୍କ ମୃତଦେହ ଉଦ୍ଧାର, ବିଷ ପିଇ ଆତ୍ମହତ୍ୟା କରିଥିବା ସନ୍ଦେହ

ଭଦ୍ରକ ଭଣ୍ଡାରିପୋଖରୀ ବହାଦଲପୁର ଅଞ୍ଚଳର ନିଖୋଜ ମହିଳା ସେବତୀ ଦାସଙ୍କର ମୃତଦେହ ଉଦ୍ଧାର । ନିକଟରୁ ଦୁଇଟି ବିଷ ବୋତଲ ଜବତ । ବିଷ ପିଇ ଆତ୍ମହତ୍ୟା କରିଥିବା ସନ୍ଦେହ ।

ଭଦ୍ରକ: ବୁଦା ଭିତରୁ ମିଳିଲା ନିଖୋଜ ମହିଳାଙ୍କ ଗଳିତ ମୃତଦେହ । ନିକଟରୁ ବିଷ ବୋତଲ ମଧ୍ୟ ଜବତ ହୋଇଛି । ଭଦ୍ରକର ଭଣ୍ଡାରିପୋଖରୀ ଦମକଳ କେନ୍ଦ୍ର ପଛ ପଟେ ଥିବା ବୁଦା ଭିତରେ ମୃତଦେହ ପଡିଥିବା ଜଣାପଡିଛି । ମୃତ ମହିଳା ଜଣଙ୍କ ବହାଦଲପୁର ଅଞ୍ଚଳର ସେବତୀ ଦାସ ବୋଲି ସୂଚନା ମିଳିଛି ।

ସେବତୀ 6 ଦିନ ହେବ ନିଖୋଜ ଥିଲେ । ପରିବାର ଲୋକେ ଏନେଇ ଭଣ୍ଡାରିପୋଖରୀ ଥାନାରେ ଲିଖିତ ଏତଲା ଦେଇଥିଲେ । ଏପଟେ ବିଲକୁ ଧାନ କାଟିବା ପାଇଁ ଯାଇଥିବା ଚାଷୀ ମୃତଦେହ ଦେଖି ଥାନାକୁ ଖବର ଦେଇଥିଲେ । ମୃତଦେହ ନିକଟରେ ଦୁଇଟି ବିଷ ବୋତଲ ପଡିଥିବା ଦେଖିବାକୁ ମିଳିଛି । ଭଣ୍ଡାରିପୋଖରୀ ପୋଲିସ ମୃତଦେହ ଉଦ୍ଧାର କରି ତଦନ୍ତ ଆରମ୍ଭ କରିଛି ।

ଭଦ୍ରକରୁ ଦେବାଶିଷ ମହାପାତ୍ର, ଇଟିଭି ଭାରତ