ବ୍ରହ୍ମପୁର: କାଜୁ ଜଙ୍ଗଲରୁ ମିଳିଲା ମହିଳାଙ୍କ ରକ୍ତାକ୍ତ ମୃତଦେହ । ଏଭଳି ଚାଞ୍ଚଲ୍ୟ ଖେଳାଇଦେବା ଭଳି ଘଟଣା ଘଟିଛି ଗଞ୍ଜାମ ଜିଲ୍ଲାର ଖଲ୍ଲିକୋଟ ଥାନା ଅନ୍ତର୍ଗତ ତାଳପଡା ପଞ୍ଚାୟତରେ । ମହିଳାଙ୍କ ଏହି ମୃତଦେହଟି ଲକ୍ଷ୍ମୀନାରାୟଣପୁର କାଜୁ ଜଙ୍ଗଲରୁ ମିଳିଛି । ପୋଲିସର ପ୍ରାଥମିକ ତଦନ୍ତ ପରେ ମୃତଦେହଟି ଗୋଳନ୍ଥରା ଥାନା ଅନ୍ତର୍ଗତ ଗୋବିନ୍ଦ ନଗର ଅଞ୍ଚଳର ଲକ୍ଷ୍ମୀ ସାହୁଙ୍କର ବୋଲି ଜଣାପଡ଼ିଛି ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ସୂଚନା ଅନୁସାରେ, ମୃତ ମହିଳା ଜଣକ କୋରାପୁଟ ଜିଲ୍ଲା ଦାମନଯୋଡିରେ କିଛି ବର୍ଷ ହେଲା ବିବାହ କରିଥିଲେ । ତାଙ୍କ ସ୍ବାମୀ ଗୋବିନ୍ଦ ସାହୁ ରାଜ୍ୟ ବାହାରେ ରହି ଏକ ଘରୋଇ କମ୍ପାନୀରେ କାର୍ଯ୍ୟରତ ଅଛନ୍ତି । ଗତକାଲି ଏହି ମହିଳା ଜଣକ ଏକ ଘରୋଇ ବ୍ୟାଙ୍କକୁ ଯିବେ କହି ଘରୁ ବାହାରି ଆସିଥିବା ବେଳେ ଆଉ ଘରକୁ ଫେରିନଥିଲେ । ଫଳରେ ଲକ୍ଷ୍ମୀଙ୍କ ଭଉଣୀ ଏନେଇ ସ୍ଥାନୀୟ ଗୋଳନ୍ଥରା ଥାନାକୁ ଅବଗତ କରାଇଥିଲେ ।