ବ୍ରହ୍ମପୁର: ଏକ ଗାଡି ସୋରୁମରୁ ଚୋରି କରିବା ଅଭିଯୋଗରେ ବ୍ରହ୍ମପୁର ସହରର ବୈଦ୍ୟନାଥପୁର ଥାନା ପୋଲିସ 2 ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି।
ଗତ ଫେବୃଆରୀ ୨୪ ରେ କିଛି ଦୁବୃର୍ତ୍ତ ସହରର ବୈଦ୍ୟନାଥପୁର ଥାନା ଅନ୍ତର୍ଗତ ବାଜପେୟୀ ବଜାଜ୍ ନାମକ ଏକ ସୋରୁମରୁ ଚୋରି କରିଥିବାବେଳେ ଘଟଣାସ୍ଥଳରେ ରହିଥିବା ସିସିଟିଭିରେ ଚିତ୍ର କଏଦ ହୋଇଥିଲା ।
ପୋଲିସ ଘଟଣାରେ ତଦନ୍ତ କରି ସିସିଟିଭି ଫୁଟେଜ ଆଧାରରେ ସହର ଉପକଣ୍ଠ ରତନପୁର ଗ୍ରାମର ପ୍ରଶାନ୍ତ କୁମାର ରାଉଳ ଏବଂ ଟୁଟୁ ଦାସଙ୍କୁ ଗିରଫ କରିଛି । ସେମାନଙ୍କ ଠାରୁ ପୋଲିସ ୮,୮୨୦ ଟଙ୍କା ଜବତ କରିଛି।
ଏହାସହ ଗିରଫ ଅଭିଯୁକ୍ତମାନେ ଏହି ଘଟଣାରେ ଅନ୍ୟ 3 ଜଣଙ୍କ ସଂପୃକ୍ତି ରହିଥିବାପୋଲିସ ନିକଟରେ ସ୍ବୀକାର କରିଛନ୍ତି । ପୋଲିସ ଘଟଣାର ତଦନ୍ତ ଜାରି ରହିଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
