ବ୍ରହ୍ମପୁର: ଆଗାମୀ ଏକ ସପ୍ତାହ ଧରି ସହରର ବିଭିନ୍ନ ସ୍ଥାନରେ ବିଡିଏ(ବ୍ରହ୍ମପୁର ଉନ୍ନୟନ କର୍ତ୍ତୃପକ୍ଷ) ପକ୍ଷରୁ ଆୟୋଜିତ ହେବ ବନ ମହୋତ୍ସବ । ଜିଲ୍ଲାକୁ ସବୁଜ କରିବା ପାଇଁ ଏପରି ପଦକ୍ଷେପ ନିଆଯାଇଛି । ପ୍ରଥମ ଦିନରେ ବୃକ୍ଷରୋପଣ କରି ମହୋତ୍ସବର ଶୁଭାରମ୍ଭ କରିଛନ୍ତି ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ।
ଭିଡିଓ ସୌଜନ୍ୟ: ସମ୍ବାଦଦାତା, ବ୍ରହ୍ମପୁର
ବନ ମହୋତ୍ସବର ପ୍ରଥମ ଦିବସରରେ ଖଲ୍ଲିକୋଟ କଲେଜ ପଡିଆ ଠାରେ ଆୟୋଜିତ କାର୍ଯ୍ୟକ୍ରମରେ ବିଡିଏ ପକ୍ଷରୁ ବୃକ୍ଷରୋପଣ କରାଯାଇଛି । ଏହି ଅବସରରେ ଷ୍ଟାଡିୟମ ପରିସରରେ ପ୍ରାୟ ୫୦ରୁ ଅଧିକ ବିଭିନ୍ନ କିଷମର ବୃକ୍ଷ ଲଗାଯାଇଛି । ବୃକ୍ଷ ଲଗାଯିବା ସହ ପିଲାଟିଏ ଗଛଟିଏ ଏବଂ ଗୋଟିଏ ଗଛ ଅନେକ ଜୀବନ ଏପରି ବିଭିନ୍ନ ନାରା ଦିଆଯାଇଛି ।