ବ୍ରହ୍ମପୁର: ଦକ୍ଷିଣ ଓଡିଶାର ପ୍ରସିଦ୍ଧ ଶକ୍ତିପୀଠ ତାରାତାରୀଣୀ ପୀଠରେ ଆରମ୍ଭ ହେଲା ମାଙ୍କ ଶାରଦୀୟ ପୂଜ । କୋରୋନା କଟକଣା ମଧ୍ୟରେ ମାଆ ତାରାତାରିଣୀ ପୀଠରେ ପୂଜା ଆରମ୍ଭ ହୋଇଛି । ମୂଳାଷ୍ଟମୀ ଠାରୁ ମହାଷ୍ଟମୀ ପର୍ଯ୍ୟନ୍ତ ରାଜ୍ୟର ପ୍ରମୁଖ ଶକ୍ତିପୀଠ ମାଆ ତାରାତାରିଣୀ ପୀଠରେ ଆୟୋଜିତ ହୋଇଥାଏ ମାଆଙ୍କ ଶାରଦୀୟ ପୂଜା।
ପ୍ରତ୍ୟେକ ବର୍ଷ ମାଆଙ୍କୁ ପାରମ୍ପାରୀକ ରୀତିନୀତିରେ ପୂଜା କରାଯାଉଥିବା ବେଳେ ଚଳିତବର୍ଷ କୋରୋନା କଟକଣା ମଧ୍ୟରେ ଆରମ୍ଭ ହୋଇଯାଇଛି ମାଆଙ୍କ ପୀଠରେ ପୂଜାର୍ଚ୍ଚନା । ପବିତ୍ର ରଷିକୁଲ୍ୟା ନଦୀରୁ ସେବାୟତ ମାନେ ନିଜେ ପିତଳ କଳସରେ ଶୁଭାସିତ ଜଳ ଆଣିବା ପରେ ମାଆଙ୍କ ମହାସ୍ନାନ କରାଯାଇ ଆରମ୍ଭ ହୋଇଯାଇଛି । ଚଳିତ ବର୍ଷ ଯୋଡା ଆଶ୍ବୀନ ମାସ ରହିଥିବା ଯୋଗୁଁ ମାଆଙ୍କ ପୀଠରେ ଚଳିତ ବର୍ଷ ୪୬ ଦିନ ଧରି ପୂଜାର୍ଚ୍ଚନା କରାଯିବ । ତାରାତାରୀଣଙ୍କ ପୀଠରେ ଲୋକମାନେ ସମସ୍ତେ କୋରୋନା କଟକଣା ପାଳନ କରୁଛନ୍ତି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
