ବ୍ରହ୍ମପୁର : ବ୍ରହ୍ମପୁର ବିଶ୍ଵବିଦ୍ୟାଳୟରେ କାର୍ଯ୍ୟରତ ଓଡ଼ିଆ ବିଭାଗର ପ୍ରଫେସରଙ୍କ ବିରୋଧରେ ଯୌନ ନିର୍ଯ୍ୟାତନା ପ୍ରସଙ୍ଗ । ଏନେଇ ଗଣମାଧ୍ୟମ ଆଗରେ ମୁହଁ ଖୋଲିଛନ୍ତି ଅଭିଯୋଗକାରିଣୀ । ଛାତ୍ରୀ ଜଣକ କହିଛନ୍ତି ଯେ, ଏନେଇ ସେ ଏତଲା ଦେବା ସହ ବିଶ୍ବବିଦ୍ୟାଳୟ କର୍ତ୍ତୃପକ୍ଷଙ୍କୁ ଅଭିଯୋଗ କରିଥିଲେ । ହେଲେ ଏପର୍ଯ୍ୟନ୍ତ ତାଙ୍କୁ ନ୍ୟାୟ ମିଳିଲା ନାହିଁ ।
ବ୍ରହ୍ମପୁର ବିଶ୍ଵବିଦ୍ୟାଳୟ ପ୍ରଫେସରଙ୍କ ବିରୋଧରେ ଯୌନ ନିର୍ଯ୍ୟାତନା ନେଇ ମୁହଁ ଖୋଲିଲେ ଅଭିଯୋଗକାରିଣୀ
ସେପଟେ ଛାତ୍ରୀଙ୍କୁ ନ୍ୟାୟ ପ୍ରଦାନ ପାଇଁ ଆଗକୁ ଆସିଥିବା ଦୁଇ ବିଦ୍ୟାର୍ଥୀଙ୍କ ବିରୋଧରେ ସମ୍ପୃକ୍ତ ଅଧ୍ୟାପକ ଏତଲା ଦେବା ଏବଂ ସେମାନଙ୍କୁ ପରୀକ୍ଷା ଦେବାକୁ ଅନୁମତି ଦିଆନଯିବା ନେଇ ପ୍ରତିକ୍ରିୟା ରଖିଛନ୍ତି ପିଡୀତା । ଦୁଇ ଛାତ୍ରଙ୍କୁ ବିଶ୍ବ ବିଦ୍ୟାଳୟ କର୍ତ୍ତୃପକ୍ଷ ପରୀକ୍ଷା ପାଇଁ ଅନୁମତି ଦେବାକୁ ସେ ଦାବୀ କରିଛନ୍ତି । ଯଦି ‘ମୋ ପାଇଁ ଛାତ୍ର ଦ୍ବୟ ପରୀକ୍ଷା ଦେଇପାରୁ ନାହାନ୍ତି, ତେବେ ସଂପୃକ୍ତ ପ୍ରଫେସରଙ୍କ ବିରୋଧରେ ମଧ୍ୟ କାର୍ଯ୍ୟାନୁଷ୍ଠାନ ହେଉ’ ବୋଲି ଦାବୀ କରିଛନ୍ତି ।