ଜୁଆ ଆଡ୍ଡା ଉପରେ ଚଢାଉ, 7 ଗିରଫ

ବ୍ରହ୍ମପୁର ସହରର ବଡବଜାର ଥାନା ପୋଲିସ ପକ୍ଷରୁ ଏକ ଜୁଆ ଆଡ୍ଡା ଉପରେ ଚଢାଉ କରାଯାଇ 7 ଜଣଙ୍କୁ ଗିରଫ କରାଯାଇଛି ।

ବ୍ରହ୍ମପୁର: ଜୁଆ ଆଡ୍ଡା ଉପରେ ଚଢାଉ । ବ୍ରହ୍ମପୁର ସହରର ବଡବଜାର ଥାନା ପୋଲିସ ପକ୍ଷରୁ ଏକ ଜୁଆ ଆଡ୍ଡା ଉପରେ ଚଢାଉ କରାଯାଇ 7 ଜଣଙ୍କୁ ଗିରଫ କରାଯାଇଛି । ସେମାନଙ୍କ ନିକଟରୁ ୧୫ ହଜାର ୮୭୦ ଟଙ୍କା ଜବତ କରାଯାଇଛି । ଏହାସହ ଜୁଆଡିଙ୍କ ଠାରୁ ସାତୋଟି ମୋବାଇଲ ଫୋନ୍, ତାସ ଜବତ କରାଯାଇଥିବା ବ୍ରହ୍ମପୁର ପୋଲିସ ପକ୍ଷରୁ ସୂଚନା ଦିଆଯାଇଛି ।

ସହରର ତୃତୀୟ ଲାଇନରେ ଜୁଆ ଆଡ୍ଡା ଚାଲିଥିବା ଖବର ପାଇ ପୋଲିସ ପ୍ରହଲ୍ଲାଦ ନଗକ ଏହି ଚଢାଉ କରିଥିଲେ । ତେବେ ଗିରଫମାନେ ହେଲେ ଆର.ଶ୍ରୀନିବାସ ଆଚାରୀ, ଭଗବାନ ସାହୁ, ବି.ଜହାଲ ପାତ୍ର , କେ.କାହ୍ନୁ ପାତ୍ର, କେ.ସୋମନାଥ ପାତ୍ର, ରୋଜା ବେହେରା ଏବଂ ପି.ଗୋପୀ ପାତ୍ର । ଏମାନଙ୍କୁ ଗିରଫ ପରେ ସମସ୍ତଙ୍କୁ କୋର୍ଟ ଚାଲାଣ କରାଯାଇଛି ।

ବ୍ରହ୍ମପୁରରୁ ସମୀର ଆଚାର୍ଯ୍ୟ ଇଟିଭି ଭାରତ