ବ୍ରହ୍ମପୁର: ପୂରଣ ହେବାକୁ ଯାଉଛି ବ୍ରହ୍ମପୁର ସହରବାସୀଙ୍କ ଦୀର୍ଘଦିନର ଦାବି । ବହୁ ପ୍ରତୀକ୍ଷିତ ରିଙ୍ଗରୋଡ୍ କାର୍ଯ୍ୟ ନିର୍ମାଣର ଶୁଭାରମ୍ଭ ହୋଇଛି । ଗଞ୍ଜାମ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେ ଉପସ୍ଥିତରେ ଭୂମି ପୂଜନ କରାଯାଇ ଏହି କାର୍ଯ୍ୟର ଶୁଭାରମ୍ଭ କରାଯାଇଛି ।
ବ୍ରହ୍ମପୁର ସହରର ଟ୍ରାଫିକ୍ ସମସ୍ୟା ଅନେକାଂଶରେ ସୁଧାର ଆସିବା ପାଇଁ ରିଙ୍ଗ୍ ରୋଡର ଆବଶ୍ୟକତା ରହିଥିବା ବେଳେ ବିଭିନ୍ନ କାରଣରୁ ଏହି ରିଙ୍ଗ ରୋଡ ନିର୍ମାଣ କାର୍ଯ୍ୟରେ ବିଳମ୍ୱ ଘଟୁଥିଲା । ଏହି ରିଙ୍ଗରୋଡ୍ କାର୍ଯ୍ୟ ଶେଷ ହେଲେ ସହରବାସୀଙ୍କ ଯାତାୟତ ଦିଗରେ ଦେଖାଯାଉଥିବା ସମସ୍ୟାର ଅନେକ ମାତ୍ରାରେ ସମାଧାନ ହୋଇପାରିବ । ୨୦.୭୧ କୋଟି ଟଙ୍କା ଖର୍ଚ୍ଚ ଅଟ୍ଟକଳରେ ଜାତୀୟ ରାଜପଥ ୧୬ ଠାରୁ ୫.୧୯ କିଲୋମିଟର ପାଇଁ ଟେଣ୍ଡର ଡକାଯାଇ କାର୍ଯ୍ୟ ଆରମ୍ଭ ହୋଇଛି ।
ବ୍ରହ୍ମପୁରର ବହୁ ପ୍ରତୀକ୍ଷିତ ରିଙ୍ଗ୍ ରୋଡ୍ କାର୍ଯ୍ୟର ହେଲା ଶୁଭାରମ୍ଭ