ବ୍ରହ୍ମପୁର: ଗଞ୍ଜାମ ପାଟପୁର ଥାନା ଅଞ୍ଚଳରେ ମାତିଛନ୍ତି ଲୁଟେରା ଗ୍ୟାଙ୍ଗ । ଏକ ଲୁଟ ଘଟଣାର ପର୍ଦ୍ଦାଫାସ କରି ପାଟକୁରା ଥାନା ପୋଲିସ ୯ ଜଣଙ୍କୁ ଗିରଫ କରିଛି । ଗତ କିଛି ଦିନ ତଳେ ପାଟପୁର ଥାନା ଏସ୍ . ଗୋପାଳପୁର ଗ୍ରାମରେ ଦୁର୍ବୃତ୍ତ ମାନେ ଘରର କବାଟ ଓ ଗ୍ରିଲ ଭାଙ୍ଗି ଲୁଟ କରିଥିଲେ । ଏନେଇ ପୋଲିସ ୯ ଜଣଙ୍କୁ ଗିରଫ କରିବା ସହ ସୁନା , ଟଙ୍କା ଓ ଲୁହାରଡ ଜବତ କରିଥିବା ନେଇ ଆୟୋଜିତ ପ୍ରେସ ବିଜ୍ଞପ୍ତିରେ ପୋଲିସ ତରଫରୁ ସୂଚନା ଦିଆଯାଇଛି ।
ଅଗଷ୍ଟ ୧୪ ତାରିଖ ଦିନ ଏସ୍ . ଗୋପାଳପୁର ଗ୍ରାମର ସୁଧାକର ପ୍ରଧାନ ପରିବାର ସଦସ୍ୟ ଘରେ ନଥିବା ବେଳେ ବିଳମ୍ବିତ ରାତିରେ ଲୁଟେରା ମାନେ ଘରର କବାଟ ଓ ଗ୍ରିଲ ତାଲା ଭାଙ୍ଗି ଘରେ ପଶିଥିଲେ । ଏହା ପରେ ଘର ଭିତରେ ଥିବା ଆଲମାରୀ ଭାଙ୍ଗି ସୁନା ଅଳଙ୍କାର ଓ ଟଙ୍କା ଲୁଟ କରିଥିଲେ । ପରଦିନ ସକାଳ ସମୟରେ ଗ୍ରାମବାସୀ ଏହା ଦେଖି ସୁଧାକରଙ୍କୁ ଜଣାଇଥିଲେ । ଏନେଇ ସୁଧାକର ପାଟପୁର ଥାନାରେ ଅଭିଯୋଗ କରିବା ପରେ ପୋଲିସ ଏକ ମାମଲା ରୁଜୁ କରି ତଦନ୍ତ କରି ୯ ଜଣଙ୍କୁ ଗିରଫ କରିଛି ।