ବ୍ରହ୍ମପୁର: ଆର୍ମି ଏୟାର ଡିଫେନ୍ସ କଲେଜରେ ପାସିଙ୍ଗ୍ ଆଉଟ ପରେଡ (Passing out parade) । ଟ୍ରେନିଂ ନେଇଥିବା ୩୬୩ ଯବାନ ପାସିଂ ଆଉଟ ପରେଡରେ ଭାଗ ନେଇଛନ୍ତି । ତାଲିମପ୍ରାପ୍ତ ଯବାନମାନେ ନିଜ ନିଜର ୟୁନିଟରେ କର୍ତ୍ତବ୍ୟ ସମ୍ପାଦନ କରିବେ।
ବ୍ରହ୍ମପୁର ସହର ଉପକଣ୍ଠ ଗୋଳାବନ୍ଧସ୍ଥିତ ଆର୍ମି ଏୟାର ଡିଫେନ୍ସ କଲେଜରେ (Army Air Defence College Gopalpur) ପାସିଙ୍ଗ୍ ଆଉଟ ପରେଡରେ ଅନୁଷ୍ଠିତ ହୋଇଯାଇଛି । ଆର୍ମି ଏୟାର ଡିଫେନ୍ସ କଲେଜ ପରିସରରେ ଗତ ୪୬ ସପ୍ତାହ ଧରି ତାଲିମ ନେଉଥିବା ୩୬୩ ଯବାନ ମାନଙ୍କ ସଂପୂର୍ଣ୍ଣ ପ୍ରଶିକ୍ଷଣ ଶେଷ ପରେ ଏହି ପାସିଙ୍ଗ୍ ଆଉଟ ପରେଡ ଅନୁଷ୍ଠିତ ହୋଇଥିଲା । ମୁଖ୍ୟ ଅତିଥି ଭାବେ କମାଣ୍ଡାଣ୍ଟ ଲେଫ୍ଟନାଣ୍ଟ ଜେନେରାଲ୍ ସତୀନ୍ଦର ସିଂ ଯୋଗ ଦେଇ ମିଳିତ ପରେଡର ନିରୀକ୍ଷଣ କରିଥିଲେ। ମୁଖ୍ୟତଃ ଏହି ତାଲିମ ସମୟରେ ଯବାନଙ୍କୁ ଶାରୀରିକ ତାଲିମ, ଡ୍ରିଲ୍ , ଅସ୍ତ୍ରଶସ୍ତ୍ର ତାଲିମ ଭଳି ଅନେକ ପ୍ରକାର ତାଲିମ୍ ସହିତ କ୍ରୀଡା ଏବଂ ବିଭିନ୍ନ ପ୍ରଶିକ୍ଷଣର ବିଭିନ୍ନ କଠିନତା ମାଧ୍ୟମରେ ତାଲିମପ୍ରାପ୍ତ ବ୍ୟକ୍ତିଙ୍କୁ ରଖାଯାଇଥିଲା ।