ବ୍ରହ୍ମପୁର: ୨୦୨୦ ମସିହା ଫେବୃଆରୀ ୯ ତାରିଖ। ବ୍ରହ୍ମପୁର ଡଙ୍ଗଲପାଡୁ ଗ୍ରାମରୁ ନିର୍ବନ୍ଧ ପାଇଁ ଯାଉଥିବାବେଳେ ବିଦ୍ୟୁତ ତାର ସଂସ୍ପର୍ଶରେ ଆସି ଜଳିଯାଇଥିଲା ବସ । ଗାଁ ଠାରୁ ମାତ୍ର କିଛି ଦୂର ଅତିକ୍ରମ କରିବା ପରେ ମେଣ୍ଢରାଜପୁର ଛକ ନିକଟରେ ଘଟିଥିଲା ଏହି ଦୁର୍ଘଟଣା । ଏହି ଦୁର୍ଘଟଣାରେ 12 ଜଣଙ୍କ ମୃତ୍ୟୁ ହୋଇଥିବାଳେ 15 ଜଣ ଗୁରୁତର ହୋଇଥିଲେ। ମୃତ୍ୟୁର ତାଣ୍ଡବକୁ ପୂରିବାକୁ ବସିଲାଣି ଏକ ବର୍ଷ ।
ଦୁର୍ଘଟଣାକୁ ବିତିଲାଣି ବର୍ଷେ
ହେଲେ ଏବେ ବି ଗ୍ରାମବାସୀଙ୍କ ମନରେ ସେହି ସମସ୍ତ ବିଷୟ ଜୀବନ୍ତ ହୋଇରହିଛି । ସେହିଦିନ ସତେ ଯେପରି ଗ୍ରାମକୁ କଳାବାଦଲ ଘୋଟି ଆସିଲା ଭଳି ମୃତ୍ୟୁର ତାଣ୍ଡବ ଯେତିକି ଭୟଙ୍କର ରହିଥିଲା ତା ଠାରୁ ଅଧିକ ଭୟଙ୍କର ହୋଇପଡିଥିଲା ବିଦ୍ୟୁତ ଆଘାତରେ ଏହି ଘଟଣାରେ ଗୁରୁତର ହୋଇଥିବା ବ୍ୟକ୍ତିବିଶେଷଙ୍କ ଶରୀରର କଷ୍ଟ।