ବ୍ରହ୍ମପୁର: ସହରରେ ଆତଙ୍କ ସୃଷ୍ଟି କରିଥିବା ଦୁର୍ଦ୍ଦାନ୍ତ ଅପରାଧି ସୁନିଲ ବେହେରା ଉପରେ ଲାଗିଲା ଜାତୀୟ ନିରାପତ୍ତା ଆଇନ(ଏନଏସଏ) । ପୂର୍ବରୁ ସୁନିଲ ବେହେରା ଉପରେ ଏହି ଆଇନ ଲଗାଇବା ପାଇଁ ବ୍ରହ୍ମପୁର ପୋଲିସ ଜିଲ୍ଲାପାଳଙ୍କୁ ସୁପାରିସ କରିଥିଲା । ଜିଲ୍ଲାପାଳ ଏହାକୁ ଅନୁମତି ଦେଇଛନ୍ତି ।
ସୁନିଲ ନାମରେ 25ରୁ ଊର୍ଦ୍ଧ୍ବ ବିଭିନ୍ନ ଅପରାଧିକ ମାମଲା ରହିଛି । ବର୍ତ୍ତମାନ ସେ ଜେଲରେ କଏଦୀ ଭାବେ ଜୀବନ କାଟୁଛି । ତେବେ ବ୍ରହ୍ମପୁର ସହରକୁ ଅପରାଧ ମୁକ୍ତ ରଖିବା ପାଇଁ ପୋଲିସ ପକ୍ଷରୁ ଏଭଳି ପଦକ୍ଷେପ ନିଆଯାଇଛି । ଦୀର୍ଘ ଦିନ ହେଲେଣି ଅପରାଧି ସୁନିଲ ସହରରେ ଆତଙ୍କ ରାଜ୍ ଚଳାଇଥିଲା । ଏପରିକି ଗତ 2018 ଜୁଲାଇରେ ବ୍ରହ୍ମପୁର ହୋଇଥିବା ଏକ ବୋମାମାଡ ଘଟଣାର ମାଷ୍ଟର ମାଇଣ୍ଡ ଥିଲା । ଶେଷରେ ପୋଲିସ ତା ଉପରେ ଏନ୍ ଏସ୍ ଏ ଲଗାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ