ବ୍ରହ୍ମପୁର: ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଳକ କୋଟିନଡା-ଦେଉଳପେଢୀ କେନାଲ ନିକଟରେ ଅଘଟଣ । ଏହି କେନାଲ ରାସ୍ତାର ବୁଲାଣି ପୋତାଶଙ୍ଖ ନିକଟରେ ଥିବା ବ୍ରିଜ ତଳ କୂଅରେ ଖସିପଡିଲା ଦୁଇଟି ବାଇକ । ଏଥିରେ 3 ଜଣଙ୍କର ମୃତ୍ୟୁ ଘଟିଥିବାବେଳେ 2 ଜଣ ଆହତ ହୋଇଥିବା ସୂଚନା ମିଳିଛି ।
ବ୍ରିଜ ତଳେ ଥିବା କୂଅରେ ଖସିପଡିଲା ମୋଟର ସାଇକେଲ: ୩ ମୃତ, ୨ ଗୁରୁତର
ମୃତକଙ୍କ ମଧ୍ୟରେ ବ୍ରହ୍ମପୁର ସଦର ଥାନା ରାଇଝୋଳ ଗ୍ରାମର ଜିତୁ ଗୌଡ, ବାବୁଲା ଗୌଡ ଏବଂ ଲାଞ୍ଜିଆ ଗ୍ରାମର ସନ୍ତୋଷ ଗୌଡ । ୨ ଆହତ ହେଲେ ରାଇଝୋଳ ଗ୍ରାମର ମିଟୁ ଗୌଡ ଏବଂ ପଦ୍ମତୋଳା ଗ୍ରାମର ଶିବରାମ ସ୍ବାଇଁ । ସୂଚନା ଅନୁସାରେ, ସମସ୍ତ ପାଞ୍ଚ ଜଣ ମିଶି ନୂଆ ବର୍ଷରେ ସାଙ୍ଗସାଥି ମେଳରେ ଭୋଜି ଖାଇ ସାରି ଫେରୁଥିଲେ । ଅନ୍ଧାର ରାତିରେ ଅସାବଧାନତା କାରଣରୁ ବ୍ରିଜ ତଳେ ଥିବା ୩୦ ଫୁଟ କୂଅ ମଧ୍ୟକୁ ସମସ୍ତେ ଖସି ପଡିଥିଲେ।