ବ୍ରହ୍ମପୁର: ଗଞ୍ଜାମ ଜିଲ୍ଲାର ଦିଗପହଣ୍ଡି ଥାନା ନୂଆ ମୌଳାଭଞ୍ଜା ଗ୍ରାମରେ ଘଟିଛି ଏକ ଦୁଃଖଦ ଘଟଣା । ଘର ବାରଣ୍ଡାରେ ଶୋଇଥିବା ଅବସ୍ଥାରେ ଏକ ବିଷଧର ସାପ କାମୁଡାରେ ଜଣେ ଯୁବକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ମୃତ ଯୁବକ ଜଣକ ହେଲେ ଦିଗପହଣ୍ଡି ଥାନା ନିମଖଣ୍ଡିପେଣ୍ଠ ପଞ୍ଚାୟତ ଅନ୍ତର୍ଗତ ପନାଡ ଗ୍ରାମର ବିଜୟ କୁମାର ମହାରଣା (38) ବୋଲି ଜଣାପଡିଛି । ସୂଚନାଯାୟୀ, ପନାଡ ଗ୍ରାମ ବାସିନ୍ଦା ମୃତ ବିଜୟ ସପରିବାର ସହ ଗତ ୪ ବର୍ଷ ହେଲା ଦିଗପହଣ୍ଡି ଥାନା ନୂଆ ମୌଳାଭଞ୍ଜା ଗ୍ରାମର ମୁଖ୍ୟ ରାସ୍ତାରେ ଥିବା ଏକ ଘରେ ଭଡାରେ ରହି ଆସୁଥିଲେ । ସର୍ପାଘାତ ପରେ ବିଜୟଙ୍କୁ ନିକଟସ୍ଥ ଦିଗପହଣ୍ଡି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ସେଠାରେ ବିଜୟକୁ ମୃତ ଘୋଷଣା କରିଥିଲେ ଡାକ୍ତର ।
ପତ୍ନୀ କୋରୋନା ଯୋଦ୍ଧା, ସର୍ପାଘାତରେ ସ୍ବୀମୀଙ୍କ ମୃତ୍ୟୁ
ଘର ବାରଣ୍ଡାରେ ଶୋଇଥିବା ଅବସ୍ଥାରେ ଏକ ବିଷଧର ସାପ କାମୁଡାରେ ଜଣେ ଯୁବକଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଅଧିକ ପଢନ୍ତୁ...
ବିଷାକ୍ତ ସର୍ପ କାମୁଡାରେ ଯୁବକ ମୃତ
ଘଟଣାପରେ ଦିଗପହଣ୍ଡି ପୋଲିସ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ପହଞ୍ଚି ମୃତଦେହକୁ ଜବତ କରିବା ସହ ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ବଡ଼ମେଡ଼ିକାଲକୁ ପଠାଇଥିଲା । ମୃତ ବିଜୟଙ୍କ ସ୍ତ୍ରୀ ପୁରୁଷୋତ୍ତମପୁର ବ୍ଲକ ସନ୍ତୋଷପୁର ଗ୍ରାମରେ ଅଙ୍ଗନୱାଡ଼ି କର୍ମୀ ଭାବେ କାର୍ଯ୍ୟରତ । ଆଉ କୋଭିଡ ୧୯ ପାଇଁ ଜଣେ ଯୋଦ୍ଧା ଭାବେ ମଧ୍ୟ ଦିନରାତି ଏକ କରି ଲୋକଙ୍କୁ ସହାୟତା ଯୋଗାଉଛନ୍ତି । ଏହି ସମୟରେ ସ୍ବାମୀଙ୍କ ମୃତ୍ୟୁ ଖବରପାଇ ସେ ସମ୍ପୂର୍ଣ୍ଣ ରୂପେ ଭାଙ୍ଗି ପଡିଛନ୍ତି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ