ବ୍ରହ୍ମପୁର:ଗଜପତିରୁଭୁବନେଶ୍ୱର ଏବଂ ପୁରୀ ଅଭିମୁଖେ ଯାଉଥିବା ପ୍ରାୟ ୧୫ କୁଇଣ୍ଟାଲ ୫୦ କେଜିରୁ ଊର୍ଦ୍ଧ୍ବ ଭାଙ୍ଗକୁ ଆଙ୍କୁଶପୁର ନିକଟରେ ବନବିଭାଗ ଜବତ କରିଛି । ଏହାସହ ମ୍ୟାକ୍ସ ପିକ ଅପ୍ ସହ ଗାଡ଼ି ଚାଳକକୁ ଗିରଫ କରିଛି ବ୍ରହ୍ମପୁର ଅବକାରୀ ଗୁଇନ୍ଦା ବିଭାଗ । ଗିରଫ ଗାଡି ଚାଳକଙ୍କ ଘର ନୟାଗଡ଼ ଜିଲ୍ଲାରେ ହୋଇଥିବା ପଦ୍ମଚରଣ ମହାନ୍ତି ବୋଲି ଜଣାପଡିଛି ।
୧୫ କୁଇଣ୍ଟାଲରୁ ଊର୍ଦ୍ଧ୍ବ ଭାଙ୍ଗ ଜବତ, ଗାଡ଼ି ଚାଳକ ଗିରଫ ଜବତ ଭାଙ୍ଗ ସମେତ ପିକଅପ୍ ମିଶାଇ ଏହାର ଆନୁମାନିକ ମୂଲ୍ୟ ୨୧ ଲକ୍ଷ ଟଙ୍କା ହେବ ବୋଲି ସୂଚନା ଦେଇଛନ୍ତି ବ୍ରହ୍ମପୁର ଅବକାରୀ ଗୁଇନ୍ଦା ବିଭାଗର ଡେପୁଟି କମିଶନର ରାଜେନ୍ଦ୍ର କୁମାର ଭର୍ତ୍ତ୍ରା । ଅବକାରୀ କମିଶନର ଆଶିଷ କୁମାର ସିଂ ଏବଂ ଗଞ୍ଜାମ ଜିଲ୍ଲାପାଳ ବିଜୟ ଅମୃତା କୁଲାଙ୍ଗେଙ୍କ ନିର୍ଦ୍ଦେଶ କ୍ରମେ ଅବକାରୀ ବିଭାଗ ପକ୍ଷରୁ କ୍ରମାଗତ ଭାବରେ ଚଢାଉ ଜାରି ରହିଥିବା କୁହାଯାଇଛି ।
ବ୍ରହ୍ମପୁରରୁ ସମୀର ଆଚାର୍ଯ୍ୟ, ଇଟିଭି ଭାରତ
