ବ୍ରହ୍ମପୁର: ଗଞ୍ଜାମ ଜିଲ୍ଲାର ଚୋରା ବାଲିମାଫିଆଙ୍କ ଦୌରାତ୍ମ୍ୟ ଦିନକୁ ଦିନ ଅଧିକ ମାତ୍ରାରେ ବୃଦ୍ଧି ପାଇବାରେ ଲାଗିଛି । ବେଆଇନ ଚୋରାଚାଲାଣ ବେଳେ ବାଲି ମାଫିଆଙ୍କ ଆକ୍ରମଣର ଶିକାର ହୋଇଛନ୍ତି ପ୍ରଶାସନିକ ଅଧିକାରୀ । ଗଞ୍ଜାମ ତହସିଲ ପକ୍ଷରୁ ଚଢାଉ କରାଯିବା ପରେ ମାଫିଆମାନେ ଅତିରିକ୍ତ ତହସିଲଦାର ସମେତ 3 ରାଜସ୍ବ ନିରୀକ୍ଷକଙ୍କୁ ଆକ୍ରମଣ କରିବା ପରେ ସେମାନେ ଆହତ ହୋଇଥିବା ସୂଚନା ମିଳିଛି ।
ବାଲି ମାଫିଆଙ୍କ ଆକ୍ରମଣ, ଅତିରିକ୍ତ ତହସିଲଦାର ସମେତ 3 ରାଜସ୍ବ ନିରୀକ୍ଷକ ଆହତ
ଗଞ୍ଜାମ ତହସିଲ ମାଳିଜଗନ୍ନାଥପୁର ଗ୍ରାମ ନିକଟ ଋଷିକୂଲ୍ୟା ନଦୀରୁ ବେଆଇନ ବାଲି ଚୋରା ଚାଲାଣ ଚାଲିଥିବା ବେଳେ ଗଞ୍ଜାମ ତହସିଲ ପକ୍ଷରୁ ଚଢାଉ କରାଯାଇଥିଲା । ଏହି ସମୟରେ ଅତିରିକ୍ତ ତହସିଲଦାର ଓ ତିନି ଜଣ RIଙ୍କୁ ବାଲି ମାଫିଆ ମାନେ ଆକ୍ରମଣ କରିଛନ୍ତି । ଅତିରିକ୍ତ ତହସିଲଦାର ଶୁଭେନ୍ଦୁ କୁମାର ଜେନା, ରାଜସ୍ବ ନିରୀକ୍ଷକ ଭାସ୍କର ସାହୁ, ସୀତାରାମ ସାହୁ ଓ ସୁଶାନ୍ତ କୁମାର ବେହେରା ଆକ୍ରମଣର ଶିକାର ହୋଇଛନ୍ତି । ଘଟଣା ପରେ ଗଞ୍ଜାମ ପୋଲିସ ଏନେଇ ଅଧିକ ତଦନ୍ତ କରୁଛି ।