ବ୍ରହ୍ମପୁର: ଭୋଟ ଗଣତିର କିଛି ସମୟ ପୂର୍ବରୁ ଆସ୍କା କଂଗ୍ରେସ ପ୍ରାର୍ଥୀ ମନୋଜ କୁମାର ଜେନାଙ୍କୁ ଗୁଳିମାଡ । ବ୍ରହ୍ମପୁର ଲାଞ୍ଜିପଲ୍ଲୀ ପାଖରେ କିଛି ଦୁର୍ବୃତ୍ତ ତାଙ୍କ ଉପରକୁ ଗୁଳିମାଡ଼ କରି ଫେରାର ହୋଇଯାଇଛନ୍ତି । ଗୁରୁତର ଅବସ୍ଥାରେ ତାଙ୍କୁ ବ୍ରହ୍ମପୁର ଏମକେସିଜି ମେଡିକାଲରେ ଭର୍ତ୍ତି କରାଯାଇଛି ।
ଭୁବନେଶ୍ବରର ବ୍ରହ୍ମପୁର ଅଭିମୁଖେ ଫେରୁଥିବା ସମୟରେ ଜାତୀୟ ରାଜପଥରେ ମନୋଜ ପରିଶ୍ରା କରିବାକୁ ଓଲ୍ଲାଇଥିଲେ । ଏହି ସମୟରେ ପଛପଟୁ ଆସୁଥିବା ମୋଟର ସାଇକେଲରେ କିଛି ଦୁର୍ବୃତ୍ତ ତାଙ୍କ ଉପରକୁ ଅତି ନିକଟରୁ ଗୁଳିମାଡ କରି ଫେରାର ହୋଇଯାଇଥିଲେ । ମନୋଜଙ୍କ ବେକ, ଦେହ, ଗୋଡରେ ଗୁଳି ବାଜିଛି । ଏ ନେଇ ବ୍ରହ୍ମପୁର ଏସପିଙ୍କ ସମେତ ବହୁ ବରିଷ୍ଠ ଅଧିକାରୀ ଏମକେସିଜି ମେଡିକାଲ ସମେତ ଘଟଣାସ୍ଥଳରେ ପହଞ୍ଚି ଏହାର ପ୍ରାଥମିକ ତଦନ୍ତ ଆରମ୍ଭ କରିଛନ୍ତି । ଗୁଳିମାଡ ପଛର କାରଣ କଣ ରହିଛି ତାହା ସ୍ପଷ୍ଟ ହୋଇପାରିନାହିଁ ।