ବ୍ରହ୍ମପୁର: ଚଳିତବର୍ଷ ଯୁକ୍ତ ଦୁଇ ବିଜ୍ଞାନ ପରୀକ୍ଷା ଦେଇଥିବା ବିଦ୍ୟାର୍ଥୀଙ୍କ ଘରକୁ ଆସୁଛି ଫୋନ କଲ । ପିଲା ମାନଙ୍କ ଭଲ ପରୀକ୍ଷା ଫଳ ପାଇବା ପାଇଁ ଆକାଉଣ୍ଟକୁ ଟଙ୍କା ପଠାଇବାକୁ ପରାମର୍ଶ ଦିଆଯାଉଛି । ବ୍ରହ୍ମପୁର ସମେତ ଗଞ୍ଜାମ ଜିଲ୍ଲାରେ ପରୀକ୍ଷା ଦେଇଥିବା ବିଦ୍ୟାର୍ଥୀଙ୍କ ପରିବାରକୁ ଏଭଳି ଫୋନ୍ ଆସିବା ପରେ ଏଭଳି ଫେକ ଫୋନ୍ କଲ୍ରୁ ଦୂରେଇ ରହିବାକୁ ଯୁକ୍ତ ଦୁଇ ପରିଷଦର ବ୍ରହ୍ମପୁର କାର୍ଯ୍ୟାଳୟ ପକ୍ଷରୁ ପରାମର୍ଶ ଦିଆଯାଇଛି ।
ଗଞ୍ଜାମ ଜିଲ୍ଲାରେ ପୁରଷୋତ୍ତମପୁର ଯୁକ୍ତ ଦୁଇ ବିଜ୍ଞାନ ପରୀକ୍ଷା ଦେଇଥିବା ଜଣେ ବିଦ୍ୟାର୍ଥୀଙ୍କ ପରିବାରକୁ ଆସିଥିଲା ଏପରି ଫୋନ୍ କଲ । ପ୍ରଥମେ ଅଭିଭାବକ ମନରେ ପ୍ରଥମେ ଭୟ ସଞ୍ଚାର କରାଇବା ସହ ପିଲାଙ୍କ ପରୀକ୍ଷା ଖାତାରେ କମ୍ ନମ୍ବର ଆସିଥିବା ଏବଂ ଫେଲ ହୋଇଯାଇଥିବା କୁହାଯାଇଥିଲା ଫୋନ କଲରେ । ଆକାଉଣ୍ଟରେ ଆଠ ହଜାର ଟଙ୍କା ଦେଲେ ପରୀକ୍ଷାର୍ଥୀଙ୍କୁ ୮୦ ପ୍ରତିଶତ ମାର୍କ ଦିଆଯିବ ବୋଲି କୁହାଯାଉଛି ଏହି ଫୋନକଲ୍ରେ ।
ହିନ୍ଦୀ ଭାଷ।ରେ କଥା ହେଉଥିବା ଏହି ବ୍ୟକ୍ତିଙ୍କ ମୋବାଇଲ ନମ୍ବର 9973984490 ହୋଇଥିବା ବେଳେ ଟଙ୍କା ପଠାଇବା ପାଇଁ ଷ୍ଟେଟ ବ୍ୟାଙ୍କର ଆକାଉଣ୍ଟ ନମ୍ୱର ୩୪୩୪୯୫୬୪୩୦୧ ଏବଂ ତାହାର ଆଇଏଫ୍.ଏସ୍.ସି କୋର୍ଡ ନମ୍ୱର -SBIN 0001359 ଓ ନାମ ରିମ୍ପା ସାଧୁଖାନ୍ ବୋଲି ଜଣାପଡିଛି । ସେହିପରି ଅନ୍ୟ ଏକ ହ୍ୱାଟ୍ସ ଆପ ନଂ- 9973783979 ଦେଇ ଟଙ୍କା ପଠାଇବା ପାଇଁ କୁହାଯାଉଛି । ଫୋନ୍ କରିଥିବା ନମ୍ୱରଟି ମୋବାଇଲ କଲର ଆପରେ ଠାକୁର ଜୀ ବୋଲି ଜଣା ପଡିଥିବା ବେଳେ ଆକାଉଣ୍ଟ ନମ୍ୱର ଟି ରିମ୍ପା ସାଧୁଖାନ୍ ଓ ହ୍ୱାଟ୍ସ ଆପ୍ ନମ୍ୱରଟି ସଞ୍ଜୟ ଯାଦବ ନାମକୁ ଦର୍ଶାଉଛି । ଏଥିରେ ସ୍ପଷ୍ଟ ପ୍ରତିୟମାନ ଯେ ଏକ ସକ୍ରିୟ ଗ୍ୟାଙ୍ଗ୍ ପରୀକ୍ଷାର୍ଥୀଙ୍କୁ ଠକି ଟଙ୍କା ଯୋଜନା କରିଛନ୍ତି ।